კოალიცია "ძლიერ საქართველოში" საგანგებო ბრიფინგი გაიმართა - მამუკა ხაზარაძემ პარტია "გახარია საქართველოსთვის" წევრებს მოუწოდა, რომ საპარლამენტო სიები ჩახსნას და სადეპუტატო უფლებამოსილებაზე უარი განაცხადოს. 

"ამ პარლამენტში დარჩენა ნიშნავს რუსული საქმის და ივანიშვილის საქმის კეთებას" - თქვა მამუკა ხაზარაძემ.

26 ოქტომბერს არჩევნების მიტაცებიდან არალეგიტიმურმა რუსულმა მთავრობამ ქვეყანა ეგზისტენციალური საფრთხის წინაშე დააყენა. ანტიკონსტიტუციურად გააჩერა ევროკავშირში გაწევრიანების პროცესი, დაიწყო საპოლიციო ტერორი, რის შედეგადაც 400-ზე მეტი დასახიჩრებული მოქალაქე და 500-ზე მეტი პოლიტპატიმარი მივიღეთ. არაღიარებულმა "ოცნებამ" ევროსაბჭოს საპარლამენტო ასამბლეა დატოვა და კიევ ერთხელ თქვა უარი ევროპაზე. 

მიღებული კანონებით ივანიშვილი ქვეყანაში უკვე დიქტატურას ამყარებს. მძიმე სიტუაციაშია კერძო სექტორიც. ჩვენი გათვლებით გველოდება სერიოზული ეკონომიკური კრიზისი. ეს ის რეალობაა, რომელიც მოხდა ბოლო 3 თვის განმავლობაში. მიუხედავად ამისა, ქართველი ხალხი მტკიცედ დგას ღირებულებების და ფასეულობების დაცვის სადარაჯოზე. 

მნიშვნელოვანია, ჩვენც ლეგალურად დავტოვოთ ისინი ("ოცნება") იზოლაციაში. რუსთაველის 8 ნომერში შეკრებილი ადამიანები სრულად უუნარონი ხდებიან საკანონმდებლო საქმიანობისთვის. ოპოზიციური მანდატების გაუქმებით ე.წ. დეპუტატთა რიცხვი 89-მდე მცირდება. ეს რაოდენობა შეუძლებელს ხდის, ლეგიტიმური გადაწყვეტილების მისაღებად. ეს იყო ჩვენი, 4 კოალიციის სტრატეგია, რომ ეს ხალხი დარჩენილიყო მარტო. 

ჩვენ გვაქვს ასეთი მოცემულობა, რომ ქაღალდზე დღეს პარლამენტში 101 დეპუტატი არსებობს. საკითხი დგას იმ კოალიციაზე, რომელსაც გახარია საქართველოსთვის ჰქვია. აქ ჩნდება სერიოზული კითხვა, ფარული ლეგალიზაციის და ფარული ხელშეწყობის იმ ძალისადმი, რასაც "ოცნება" ჰქვია. საბოლოო გამარჯვებას რომ მივაღწიოთ ამ მიმართულებით, ბრძოლა ყველა მიმართულებით გრძელდება.

მნიშვნელოვანია, "გახარია საქართველოსთვის" მიიღოს გადაწყვეტილება, აქ დროის გაწელვა იმუნიტეტის, დაფინანსების გამო არარელევანტური და არასამართლიანია. მათ უნდა მიიღონ ძალიან სწრაფად გადაწყვეტილება. არჩევანი მათზეა. ჩვენ, კოალიცია "ძლიერმა საქართველომ" უნდა ვიცოდეთ, ვინ არის ჩვენი პარტნიორი და როგორი ბრძოლა უნდა გავაგრძელოთ. დარჩენა ამ პარლამენტში ბიძინა ივანიშვილის რუსულ ხელისუფლებასთან ნიშნავს რუსული საქმის და ივანიშვილის საქმის კეთებას", - ამბობს მამუკა ხაზარაძე.

ავტორი: ექსპრესნიუსი,

სოციალური ქსელები

საქართველოს ბანკმა ახალი, SUPER ნაკრები გამოუშვა

ლაშა ფარულავა - 2027 წლის ბიუჯეტი ივანიშვილის ჩინოვნიკების კეთილდღეობის პროექტია, ქართველი ხალხის ხარჯზე

კობახიძე - დღეს, როდესაც ევროპული სივრცე სერიოზული პოლიტიკური, იდეოლოგიური, დემოგრაფიული და ღირებულებითი გამოწვევების წინაშე დგას

ახალგაზრდა ინჟინერთა საშაბათო სკოლა - „თეგეტა აკადემია“ მოზარდებისთვის ავტოინჟინერიის ინოვაციურ კურსს იწყებს