გაეროს უშიშროების საბჭოში საგანგებო სხდომა გაიმართა. ამის შესახებ ინფორმაციას The Times of Israel-ი ავრცელებს.

მედიის ცნობით, შეხვედრა მას შემდეგ დაინიშნა, რაც ისრაელმა საბჭოს სთხოვა, დაეგმო ირანის თავდასხმა და ისლამური რევოლუციის გვარდიის კორპუსი ტერორისტულ ორგანიზაციად გამოეცხადებინა.

მათივე ინფორმაციით, საბჭოს სხდომა გაეროს გენერალურმა მდივანმა, ანტონიო გუტერეშმა გახსნა გაფრთხილებით, რომ ახლო აღმოსავლეთი "ზღვარზეა".

“რეგიონში მცხოვრები ხალხი დამანგრეველი, სრულმასშტაბიანი კონფლიქტის რეალური საფრთხის წინაშე დგას, ახლა არის განმუხტვის და დეესკალაციის დრო, ახლა მაქსიმალური თავშეკავების დროა, დროა, დავიხიოთ ზღვარზე“, - განაცხადა გენერალურმა მდივანმა.

შეგახსენებთ, 14 აპრილს, ირანმა ისრაელის მიმართულებით ასობით დრონი და რაკეტა გაუშვა. გაშვებული რაკეტების და დრონების 99 % ისრაელმა და აშშ-მა ერთობლივად ჩამოაგდეს. ისრაელზე ირანის თავდასხმის შემდეგ, სამედიცინო დახმარება 31-მა ადამიანს დასჭირდა.

ავტორი: ექსპრესნიუსი,

სოციალური ქსელები

კობახიძე - დადასტურდა, მათ შორის ვიდეოჩანაწერებით, რომ რაზეც ეს კონკრეტული პატიმარი საუბრობდა, იყო ტყუილი

კობახიძე აღიარებს რომ სურსათის გაზრდილი ფასები ხალხს მტკივნეულად დააწვა

ამერიკა ასჯერ ძლიერია, ვიდრე რუსეთი - ზელენსკიმ ტრამპს მოუწოდა, გაიხსენოს აშშ-ის ძალა

ტრამპმა ერდოღანს მეგობარი უწოდა: მე მას ყოველთვის გავახარებ