ეროვნულ სკრინინგ ცენტრს პროექტის - „დიაგნოსტიკური სერვისების გაძლიერება ძუძუს კიბოს ადრეული გამოვლენისთვის“ ფარგლებში, ატომური ენერგიის საერთაშორისო სააგენტოს (IAEA) ექსპერტთა მისია ეწვია. აღნიშნულის შესახებ ინფორმაციას  თბილისის მერია ავრცელებს.

უწყების ცნობით, უცხოელმა ექსპერტებმა - კარმინა ველასკომ, ოლივიერ პელეტმა და ოლივერა ბჯელაკმა ეროვნულ სკრინინგ ცენტრში ძუძუს სტერეოტაქსიული ბიოფსიის აპარატის მიღებისა და განთავსების მზაობა ადგილზე შეაფასეს. მათი ვიზიტის მიზანი კიბოს სკრინინგულ კვლევაში თანამედროვე სისტემის (PACs) დანერგვა და ცენტრის შესაძლებლობების ადგილზე გაცნობაა.

მათივე ცნობით, სტუმრებს სკრინინგ ცენტრის დირექტორმა, ეთერ კიღურაძემ და სამედიცინო სამსახურის უფროსმა, თამარ სხირტლაძემ ცენტრის მუშაობის სპეციფიკასთან, სკრინინგის პროგრამებთან და სამომავლო გეგმებთან დაკავშირებული ინფორმაცია მიაწოდეს.

„მოხარული ვარ, რომ საქართველოში ვიმყოფებით, რათა ადგილზე გავეცნოთ სკრინინგ ცენტრის მუშაობას. მხარდაჭერას გამოვხატავთ ძუძუს კიბოს სკრინინგის პროგრამისადმი. მზად ვართ, ყველა ჩვენი ძალისხმევა მივმართოთ ტექნიკური ასპექტების გამართვისკენ. დარწმუნებული ვარ, ამ მხრივ დიდი წარმატება გვექნება. სადაც არის ატომური ენერგიის საერთაშორისო სააგენტო, იქ იგულისხმება ტექნიკური, ექსპერტული და სამეცნიერო პროგრამები და ეს ყველაფერი ეროვნული სკრინინგ ცენტრის გუნდთან ერთად განხორციელდება“, - განაცხადა ოლივიერ პელეტმა.

ორდღიანი ვიზიტის ფარგლებში, ატომური ენერგიის საერთაშორისო სააგენტოს ექსპერტებმა ეროვნული სკრინინგ ცენტრის ოთხივე ფილიალი დაათვალიერეს, ცენტრის მუშაობა დადებითად შეაფასეს და სკრინინგ ცენტრს განვითარებაში მხარდაჭერა აღუთქვეს.

ავტორი: NS (სტატია დაფინანსებულია),

სოციალური ქსელები

ჩინეთიდან შემოსულმა ინვესტიციებმა შეადგინა 236 მლნ დოლარი, იგი პირველ ადგილზეა

პაპუაშვილი კოსს - ჯობია იყო ფურცელზე კანდიდატი ქვეყანა, ვიდრე ფურცელზე სახელმწიფო

კობახიძე- უმნიშვნელოვანესი საინვესტიციო პროექტი არის იგლ ჰილსის პროექტი, უკვე მომავალ წელს ეტაპობრივად დაიწყება სამშენებლო სამუშაოები

შეერთებულმა შტატებმა ოფიციალურად მოითხოვა, რომ რუსეთმა შავი ჭირის კვლევის ცენტრის თანამშრომლის გარდაცვალების დეტალები მიაწოდოს