პუტინის პირადი მონაწილეობა WSJ-ის ჟურნალისტის დაკავებში მიუთითებს იმაზე, რომ კრემლი ამას აღიქვამს, როგორც გათვლილ ესკალაციას, რომელსაც შეერთებული შტატებისგან დათმობების მოსაპოვებლად გამოიყენებს. აღნიშნულის შესახებ ინფორმაციას ომის შესწავლის ინსტიტუტი (ISW) ავრცელებს.

ანალიტიკოსების ცნობით, პუტინის მონაწილეობა დაკავებაში, სავარაუდოდ, იყო პასუხი აშშ-ში რუსი მოქალაქის, სერგეი ჩერკასოვის დაპატიმრებაზე, 24 მარტს ბრალდებით, რომ ის არის უცხო სახელმწიფოს აგენტი. 

ISW-ის ცნობითვე, კრემლმა აღნიშნული დაკავება შეიძლება გამოიყენოს რუსეთის თავდაცვის ინდუსტრიული ბაზის დარბევის გასამართლებლად.

შეგახსენებთ, რომ Wall Street Journal-ის ჟურნალისტი ევან გერშკოვიჩი მარტის ბოლოს ეკატერინბურგში ჯაშუშობის ბრალდებით დააკავეს. თავად Wall Street Journal-ი აღნიშნულ ბრალდებებს უარყოფს.

აღნიშნულს გამოეხმაურა აშშ-ის სახელმწიფო დეპარტამენტი და აღნიშნა, რომ გერშკოვიჩი რუსეთმა არასწორად დააკავა.

კრემლის სპიკერის, დიმიტრი პესკოვის თქმით, ეს არ იყო პუტინის გადაწყვეტილება, არამედ „სპეციალური სამსახურების სრული პრეროგატივა".

მსოფლიოს 30-ზე მეტი მედიასაშუალების ხელმძღვანელმა ხელი მოაწერა წერილს, სადაც  აშშ-ში რუსეთის ელჩს, ანატოლი ანტონოვს ჟურნალისტის გათავისუფლებას სთხოვენ.

ამასთან, გამოცემა Bloomberg-მა გუშინ, 13 აპრილს გაავრცელა ინფორმაცია, რომ რუსეთის პრეზიდენტმა, ვლადიმერ პუტინმა Wall Street Journal-ის ჟურნალისტის ჯაშუშობის ბრალდებით დაკავების ბრძანებას, ხელი პირადად მოაწერა.

Bloomberg-ის ცნობით, რუსეთის პრეზიდენტის ეს ნაბიჯი მიანიშნებს იმაზე, რომ კრემლში პოლიტიკის მკაცრი ხაზის მხარდამჭერების გავლენა იზრდება. 

ავტორი: ექსპრესნიუსი,

სოციალური ქსელები

რუსეთმა ჩერნიგოვის რეგიონში ხუთსართულიან საცხოვრებელ შენობას რაკეტა დაარტყა - ცხრა ადამიანი დაიღუპა და 38 დაშავდა

ჩინეთიდან შემოსულმა ინვესტიციებმა შეადგინა 236 მლნ დოლარი, იგი პირველ ადგილზეა

პაპუაშვილი კოსს - ჯობია იყო ფურცელზე კანდიდატი ქვეყანა, ვიდრე ფურცელზე სახელმწიფო

კობახიძე- უმნიშვნელოვანესი საინვესტიციო პროექტი არის იგლ ჰილსის პროექტი, უკვე მომავალ წელს ეტაპობრივად დაიწყება სამშენებლო სამუშაოები