2022-02-14 18:12:50, 716 ნახვა
მსოფლიო
რუსეთმა აშშ-სთვის და ნატო-სთვის „უსაფრთხოების გარანტიების“ შესახებ პასუხი მოამზადა
რუსეთის პასუხი NATO-სა და აშშ-ის „უსაფრთხოების გარანტიებთან“ დაკავშირებით, უკვე მზადაა.
ამის შესახებ, რუსეთის საგარეო საქმეთა მინისტრმა, სერგეი ლავროვმა ქვეყნის პრეზიდენტთან, ვლადიმერ პუტინთან შეხვედრის დროს, განაცხადა. ამბავს რუსული მედია იუწყება.
კრემლის მთავარი მოთხოვნა კვლავ იგივე რჩება - შეწყდეს აღმოსავლეთ ევროპაში NATO-ს გაფართოვება.
შეგახსენებთ, რომ „უსაფრთხოების გარანტიებთან“ დაკავშირებით, ამერიკის შეერთებულმა შტატებმა და ჩრდილოატლანტიკურმა ალიანსმა რუსეთს წერილობითი პასუხი იანვრის ბოლოს მისწერა.
ავტორი: ექსპრესნიუსი,
epn.ge (@expressnews.ge)
