2022-01-07 12:49:21, 688 ნახვა
საზოგადოება
ნიკა მელია - დაპირისპირებისა და პოლიტიკური მრწამსის მიუხედავად, გისურვებთ ბედნიერებას, წარმატებას, სიყვარულს
დაპირისპირებისა და პოლიტიკური მრწამსის მიუხედავად, გისურვებთ ბედნიერებას, წარმატებას, სიყვარულს. - ამის შესახებ "ნაციონალური მოძრაობის" თავმჯდომარემ ნიკა მელიამ განაცხადა და მთელს ქვეყანას შობის დღესასწაული მიულოცა.
"საქართველო ნამდვილად იმსახურებს ბედნიერებას და ძალიან მიხარია, რომ სწორედ სამეგრელოს გულიდან მეძლევა შესაძლებლობა, მივულოცო შობის დღესასწაული მთელს საქართველოს.
მიმაჩნია რომ 2022 წელი უნდა იყოს ერთმანეთთან მისასვლელი გზების ძებნის წელიწადი. ჩვენ ერთმანეთი უნდა ვიპოვოთ.
რაც არ უნდა დაპირისპირებულები ვიყოთ ერთმანეთთან, მოგვიწევს ამ ქვეყანაში ცხოვრება. ამიტომ, მინდა ვუსურვო მთელს ქვეყანას, განურჩევლად პოლიტიკური მრწამსისა, ბედნიერება, წარმატება, სიყვარული და უნარი თანაცხოვრებისა. - თქვა ნიკა მელიამ
ავტორი: ექსპრესნიუსი,
epn.ge (@expressnews.ge)
