„ნამახვანჰესის“ საპროტესტო აქციაზე, სადაც ცოტა ხნის წინ ხმაური და დაპირისპირება იყო,  სამართალდამცველებმა ორი პირი დააკავეს.

ამის შესახებ ინფორმაცია „ექსპრესნიუსს“ შინაგან საქმეთა სამინისტროში დაუდასტურეს.

უწყების ცნობით, ორივე მათგანი ადმინისტრაციულ სამართალდარღვევათა კოდექსით 166-ე და 173-ე მუხლებით არის დაკავებული.

რიონის ხეობაში, „ნამახვანჰესის“ მშენებლობის მოსამზადებელი სამუშაოები დღეს განახლდა. მოსახლეობასთან მოსალაპარაკებლად კომპანია „ენკას“ აღმასრულებელი მენეჯერი, მერაბ ლომინაძე ჩავიდა, თუმცა შეთანხმება ვერც ამჯერად შედგა.

შეგახსენებთ, რომ „რიონის ხეობის მცველები“ ჰესის მშენებლობას უკვე 160 დღეა აპროტესტებენ.

ავტორი: ექსპრესნიუსი,

სოციალური ქსელები

ჟურნალისტების დადგენილი მოძალადე სპეცრაზმელები დაკავებულები არიან, სისტემამ თავისი საყრდენების ჭამა დაიწყო

პატრიარქობის კანდიდატმა, მიტროპოლიტმა იობმა ზეწოლაზე ისაუბრა - ახსენა სამთავრობო მედია

რეჟიმმა გურამ როგავაზე, ზვიად მაისაშვილზე და ლევან ხაბეიშვილზე 2024 წელს თავდასხმისთვის სპეცრაზმელები დააკავა

უძილაურის ოჯახის ახლობელი: ეს არის ევროპაზე დარტყმა და გიორგი ამ თემაში დაახურდავეს