გერმანია, საფრანგეთი და დიდი ბრიტანეთი ირანს ურანის 20%-ით გამდიდრების პროცესის შეწყვეტისკენ მოუწოდებენ და 2015 წლის ბირთვული შეთანხმების წესების დაცვას ურჩევენ.

ამის შესახებ ინფორმაციას, Radio Free Europe ავრცელებს.

სამი ქვეყნის საერთო განცხადებაში ნათქვამია, რომ ისინი ირანს მკაცრად ურჩევენ დაუბრუნდეს შეთანხმების მიხედვით ნაკისრ ვალდებულებებს.

”ჩვენ მკაცრად ვურჩევთ ირანს, შეწყვიტოს ეს საქმიანობა და დაუყოვნებლივ დაუბრუნდეს ერთობლივი სამოქმედო გეგმის შესაბამისად ნაკისრ ვალდებულებებს, თუ იგი სერიოზულად აპირებს ამ შეთანხმების შენარჩუნებას”, - ნათქვამია საფრანგეთის, ბრიტანეთისა და გერმანიის ერთობლივ განცხადებაში.

„ურანის ლითონის წარმოებას აქვს სერიოზული სამხედრო გავლენა“, - ნათქვამია განცხადებაში, სადაც აღნიშნულია, რომ 2015 წლის ბირთვული შეთანხმების თანახმად, ირანმა აიღო ვალდებულება არ ჩაერთოს ურანის წარმოებაში.

შეგახსენებთ, 4 იანვარს ირანმა ურანის 20%-მდე გამდიდრების პროცესი დაიწყო.

თუმცა ოფიციალური თეირანი აცხადებს, რომ ის ბირთვული იარაღის გამოყენებას არ გეგმავს და მისი ეს საქმიანობა მკაცრად სამოქალაქო ხასიათისაა.

ავტორი: ექსპრესნიუსი,

სოციალური ქსელები

კალაძე - ბიძინა ივანიშვილისა და მისი ოჯახის წინააღმდეგ, ოპოზიურად განწყობილი ძალები იმართებიან გარე პატრონებისგან

შარმანაშვილი პატიმარ დავითაძეზე - რას ყლაპავდა ან რა სპექტაკლებს დგამს?

მედვედევი: საქართველოს NATO-ში გაწევრიანების სურვილი, ახლანდელ ხელისუფლებას ესმის რომ არასწორი იყო

კალაძე - სანქციებით ვერავინ შეგვაშინებს