შერიგებისა და სამოქალაქო თანასწორობის საკითხებში სახელმწიფო მინისტრის პაატა ზაქარეიშვილის შეფასებით, აფხაზეთის რკინიგზაზე რუსი სახმედროების მიერ გაწმენდითი სამუშაოების ჩატარებას აზრი არ აქვს.

რადგან, როგორც მინისტრი აცხადებს, არ არსებობს მოლოდინის საფუძველი, ახლო მომავალში, იმ მონაკვეთში მატარებელმა გაიაროს. 

„უცნაურია, რომ აფხაზეთში რუსმა სამხედროებმა არარსებული რკინიგზის დასუფთავება დაიწყეს. ამგვარ სამუშაოებს მაშინ აქვს აზრი, როცა არსებობს მოლოდინი ან  მოლოდინის საფუძველი მაინც, რომ იქ ახლო მომავალში მატარებელი გაივლის. ამ შემთხვევაში კი ასეთი საფუძველი არ არსებობს“, – აღნიშნა ზაქარეიშვილმა. 

მისივე თქმით, რკინიგზის თემის წამოწევა იგივეა, რაც ბანერებისა და მავრთულხლართების განთავსება. 
ზაქარეიშვილი იმედს გამოთქვამს, რომ რუსეთის მხრიდან  ამგვარი პროქტები ქართულ საზოგადოებაში დაძაბულობას არ შექმნის. 

„შესაბამისად, ამ თემის წამოწევის მიზანი იგივეა, რაც ბანერებისა და მავთულხლართების განთავსებისა - იყოს ქართული საზოგადოების ნაწილი მუდმივი რეაგირების რეჟიმში.  საქართველოს წინააღმდეგ რუსეთს სხვა არაფერი დარჩენია, გარდა არარსებული პროექტების რეანიმაციისა. იმედია, ქართული საზოგადოების ნაწილი ამჯერად მიხვდება, რომ ამგვარი პროექტები ფუჭია და ვერ მიაღწევს ქართულ საზოგადოებაში დაძაბულობის შექმნას“, – აცხადებს პაატა ზაქარეიშვილი.

ცნობისთვის, აფხაზეთის რკინიგზის ოჩამჩირე–ენგურის მონაკვეთს რუსი სამხედროები წმენდენ.
ამის შესახებ აფხაზეთის ე.წ. სარკინიგზო სამმართველოს უფროსის მოადგილემ იგორ მარღანიამ განაცხადა.

აფხაზეთის ე.წ. სატრანსპორტო სამმართველოს უფროსის ზურაბ ხაჯიმბას განცხადებით, რკინიგზა იწმინდება, რათა აფხაზეთის გავლით სარკინიგზო მოძრაობა აღდგეს.

მისივე თქმით, გაწმენდით სამუშაოებზე დაახლოებით 800 რუსი სამხედრო მუშაობს.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

გამოკითხულ ამერიკელთა აბსოლუტური უმრავლესობა — 66% პირდაპირ თანაუგრძნობს და მხარს უჭერს უკრაინას რუსეთთან ომში ხოლო ამომრჩეველთა 65% უკრაინას აშშ-ის მოკავშირედ ან მეგობრად მიიჩნევს

ილონ მასკმა უკრაინული და ამერიკული ელიტები ომის გზით გამდიდრებაში დაადანაშაულა

საფრანგეთმა ახალი საპროტესტო აქციების წინ 70 000 ძალოვანის მობილიზება განახორციელა

რუსეთის თავდაცვის ინდუსტრიასთან დაკავშირებულმა კომპანიებმა წარმოების ჩინეთში გადატანა დაიწყეს