„თუ საზოგადოებას დააჯერებენ, რომ პრეზიდენტი „ნაციონალებთან“ შეკრულია, ამით „ნაციონალურ მოძრაობას გააძლიერებენ“,-ამის შესახებ საქართველოს პრეზიდენტმა გიორგი მარგველაშვილმა მაესტროს „ცხრიანში“ ხელისუფლების წარმომადგენლების მხრიდან   მის მიმართ  გამოთქმული კრიტიკის შეფასებისას განაცხადა.

როგორც მარგველაშვილმა აღნიშნა, მან  მოისმინა, რომ „ნაციონალურ მოძრაობასთან“ არის შეკრული. პრეზიდენტის თქმით, ეს მისთვის სახალისოა.

„ძალიან ღრმა ფსიქოლოგიური ანალიზი და პერსონალური წიაღსვლები მოვისმინე ჩემი პერსონის შესახებ, რომელიც დაგაფიქრებს ადამიანს; მოვისმინე, რომ "ნაციონალურ მოძრაობასთან" ვარ შეკრული. კამპანიას ვხედავ, მაგრამ, ყველაფერი ეს რაღაცნაირი სახალისოა. ნამდვილად არ არის გამაღიზიანებელი ჩემთვის, მაგრამ სულ ვფიქრობ, რა გავლენას ახდენს ასეთი კამპანიები საზოგადოებაზე. ჩემი კრიტიკა წინა ხელისუფლების მიმართ რეალურად ძალიან ხშირად ისმოდა და არა მხოლოდ 2012 და 2013 წელს ისმოდა, არამედ 2008-ში, 2010-ში, 2003-ში და ა.შ. დავუშვათ, მოვახერხეთ და ეს ყველაფერი დავავიწყეთ საზოგადოებას და დავარწმუნეთ, რომ პრეზიდენტი მართლაც შეკრულია ოპოზიციურ ძალასთან, თქვენ როგორ ფიქრობთ, ვისთვის არის ეს მომგებიანი და საინტერესო?!  თუ საზოგადოებას დააჯერებენ, რომ პრეზიდენტი „ნაციონალებთან“    შეკრულია, ამით „ნაცმოძრაობას“ უფრო გააძლიერებენ“,-განაცხადა გიორგი მარგველაშვილმა.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

გამოკითხულ ამერიკელთა აბსოლუტური უმრავლესობა — 66% პირდაპირ თანაუგრძნობს და მხარს უჭერს უკრაინას რუსეთთან ომში ხოლო ამომრჩეველთა 65% უკრაინას აშშ-ის მოკავშირედ ან მეგობრად მიიჩნევს

ილონ მასკმა უკრაინული და ამერიკული ელიტები ომის გზით გამდიდრებაში დაადანაშაულა

საფრანგეთმა ახალი საპროტესტო აქციების წინ 70 000 ძალოვანის მობილიზება განახორციელა

რუსეთის თავდაცვის ინდუსტრიასთან დაკავშირებულმა კომპანიებმა წარმოების ჩინეთში გადატანა დაიწყეს