პარლამენტის ვიცე-სპიკერის მანანა კობახიძის მოსაზრებით, „ საქართველოს ეროვნული ბანკის“ შესახებ კანონპროექტზე  პრეზიდენტის შენიშვნები  „ნაციონალური მოძრაობის“ მიერ მომზადებულ ალტერნატიულ წინადადებებს ემყარება.

ამის შესახებ მანანა კობახიძემ „ექსპრესნიუსთან“ საუბარში განაცხადა.

„ვიცი, რომ „ნაციონალური მოძრაობა“ საუბრობდა ალტერნატიულ წინადადებაზე. პრეზიდენტის შენიშვნები შეიძლება ემყარება „ერთიანი ნაციონალური მოძრაობის“  მიერ მომზადებულ ალტერნატიულ წინადადებას. მე ეს ვერსია მაქვს,  ვინაიდან „ნაციონალურმა მოძრაობამ“  თავად განაცხადა, რომ ისინი ფიქრობდნენ ალტერნატიულ წინადადებაზე. ცხადია, პრეზიდენტსა და „ნაციონალურ მოძრაობის“ წარმომადგენლებს შორის, გარკვეული პოლიტიკური მოსაზრებების თანხვედრაა“, - აღნიშნა კობახიძემ.

მისივე თქმით, პარლამენტმა, „ეროვნული ბანკის“ შესახებ კანონპროექტის მიღებამდე საერთაშორისო ორგანიზაციების შენიშვნები გაითვალისწინა, საბოლოო მოდელთან კი, შენიშვნები აღარ ყოფილა.

„ძალიან ბევრი იმუშავა პარლამენტმა, რათა ეს კანონპროექტი მიგვეღო იმ სახით, რომ მაქსიმალურად ყოფილიყო გათვალისწინებული საერთაშორისო ორგანიზაციების და მათი ექსპერტების რეკომენდაციები. სწორედ ევროკავშირის ექსპერტებთან იყო კონსულტაციები გავლილი და შენიშვნები მაქსიმალურად გავიზიარეთ. აქ რაიმე არსებითი შენიშვნა აღარ ქონიათ იმ საბოლოო მოდელთან დაკავშირებით, რაც ჩვენ მივიღეთ.

ვფიქრობ, რომ მივიღეთ კანონი, რომელიც შესაბამისობაშია ევროპულ სტანდარტთან, უფრო მეტი გამჭვირვალობა შემოდის ამ სისტემაში. საპარლამენტო კონტროლი ერთვება და ვფიქრობ, ეს კარგია. გარდა ამისა, ეროვნული ბანკის პრეზიდენტი და მისი მოადგილე არიან ამ საზედამხედველო საბჭოს წევრები, ეს სწორედ იმას ნიშნავს, რომ არანაირი არსებითი გამიჯვნა და გამოყოფა ამ სამსახურის არ ხდება, რის გამოც ისინი გვაკრიტიკებენ. ეს საჯარო სამართლის იურიდიული პირი არ არის მთლიანად გამოყოფილი და დამოუკიდებელი ეროვნული ბანკისგან.

თვითონ საზედამხედველო საბჭოს ხელმძღვანელის არჩევითობა უფრო მეტი გამჭვირვალობით და პარლამენტის ჩართულობით მოხდება და ანგარიშვალდებულება გაიზრდება პარლამენტის წინაშე.  ვფიქრობ, ეს მოდელი ბევრად უკეთესია, ვიდრე არის დღეს“, - განაცხადა მანანა კობახიძემ.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

გამოკითხულ ამერიკელთა აბსოლუტური უმრავლესობა — 66% პირდაპირ თანაუგრძნობს და მხარს უჭერს უკრაინას რუსეთთან ომში ხოლო ამომრჩეველთა 65% უკრაინას აშშ-ის მოკავშირედ ან მეგობრად მიიჩნევს

ილონ მასკმა უკრაინული და ამერიკული ელიტები ომის გზით გამდიდრებაში დაადანაშაულა

საფრანგეთმა ახალი საპროტესტო აქციების წინ 70 000 ძალოვანის მობილიზება განახორციელა

რუსეთის თავდაცვის ინდუსტრიასთან დაკავშირებულმა კომპანიებმა წარმოების ჩინეთში გადატანა დაიწყეს