ათონელის ქუჩაზე მდებარე რეზიდენციასთან დაკავშირებით ახალი გადაწყვეტილება მიღებული არ არის. 

საქართველოს მთავრობა რეზიდენციას კვლავ პრეზიდენტის ადმინისტრაციას სთავაზობს.

როგორც მთავრობის ადმინისტრაციის უფროსმა მაია ცქიტიშვილმა ჟურნალისტებს განუცხადა, სხვა ალტერნატივა არ განიხილება, ვინაიდან შენობა უმაღლესი თანამდებობის პირისთვისაა დაგეგმარებული.

"არავითარი ახალი გადაწყვეტილება ათონელის რეზიდენციასთან დაკავშირებით მიღებული არ არის. გქვონდა სამწუხარო მიმოწერა ქალბატონ ირინასთან.როგორც იცით, იქნა მიღებული უშიშროების საბჭოს  მიერ ეს გადაწყვეტილება, ვერ გავიზიარებთ არგუმენეტებს ვერანაირად. რასაც ასაბუთებს ქალბატონი ირინა არის, რომ თითქოს არ შეესაბამება უმაღლლეს სტანდარტებს, თქვენ შეგიძლიათ ჩახვიდეთ და ნახოთ მთავრობის ადმინისტრაციაში, რა პირობებში მუშაობდა უშიშროების საბჭოს აპარატი და ნახოთ ათონელის რეზიდენციაში, რა პირობებიც არის. ალბათ, არ უნდა დავივიწყოთ ის, რომ მთავრობა არის სახელმწიფო ქონების გამკარგველი. ვერ გავიზიარებთ ვერც იმას, რომ თითქოს პოლიტიკური მიზეზების გამო იქნა ჩვენი მხრიდან რაღაც მოლაპარაკება ჩაშლილი.  პოლიტიკურ გაადწყვეტილებას სამწუხაროდ, მე პირადად მათ გადაწყვეტილებაში უფრო ვხედავ. დაველოდოთ, ვნახოთ, გვაქვს იმედი,  რომ პრეზიდენტი, პრეზიდენტის ადმინისტრაცია გადაწყვეტს იმას, რომ გადავიდეს იმ შენობაში, რომელიც მათთვის აშენდა. სხვა ალტერნატივა ვერ განიხილება.ეს არის რეზიდენცია, რომელიც უმაღლესი თანამდებობის პირისთვისაა დაგეგმარებული და იქ სხვა უწყების განთავსება რაციონალური არ არის",-განაცხადა მაია ცქიტიშვილმა.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

გამოკითხულ ამერიკელთა აბსოლუტური უმრავლესობა — 66% პირდაპირ თანაუგრძნობს და მხარს უჭერს უკრაინას რუსეთთან ომში ხოლო ამომრჩეველთა 65% უკრაინას აშშ-ის მოკავშირედ ან მეგობრად მიიჩნევს

ილონ მასკმა უკრაინული და ამერიკული ელიტები ომის გზით გამდიდრებაში დაადანაშაულა

საფრანგეთმა ახალი საპროტესტო აქციების წინ 70 000 ძალოვანის მობილიზება განახორციელა

რუსეთის თავდაცვის ინდუსტრიასთან დაკავშირებულმა კომპანიებმა წარმოების ჩინეთში გადატანა დაიწყეს