საქართველოს თავდაცვის მინისტრის თინა ხიდაშელის განცხადებით, ვარშავის სამიტზე MAP-თან დაკავშირებით საქართველოს კონკრეტული პასუხი უნდა გასცეს.

ამის შესახებ ხიდაშელმა ავსტრიულ გერმანულენოვან გაზეთ Kurier-თან ინტერვიუში განაცხადა.

როგორც მინისტრმა აღნიშნა, საქართველოს მოთმინების რეჟიმში ყოფნა აღარ შეუძლია.

„თუ რუსეთი უკრაინაში წარმატებას მიაღწევს, მაშინ უკრაინით აღარ დაკმაყოფილდება. არ შეიძლება ნატომ ან ევროკავშირმა მომავალშიც ისე იმოქმედონ, როგორც ამას დღეს აკეთებენ მხოლოდ რეაქციის სახით. ბევრი საშუალება არსებობს, აქ დედაქალაქებში ბევრი გადაწყვეტილება უნდა იქნას მიღებული. სამწუხაროდ, თბილისში ჩვენი შესაძლებლობები შეზღუდულია. ჩვენ საკუთარი არჩევანი გავაკეთეთ. 2016 წელს ნატოს ვარშავის სამიტმა კონკრეტული პასუხი უნდა გაგვცეს. დადგა მომენტი, როდესაც ჩვენ კიდევ მოთმინების რეჟიმში ყოფნა აღარ შეგვიძლია“, - განაცხადა ხიდაშელმა.

რაც შეეხება კითხვას - „არის თუ არა ნატო-სთვის დამაბრკოლებელი ფაქტორი ის, რომ აფხაზეთისა და სამხრეთ ოსეთის ტერიტორიებზე რუსული შენაერთები დგანან და რუსეთმა მათი დამოუკიდებლობა აღიარა?“, როგორც ხიდაშელმა აღნიშნა, გაწევრიანების პროცესში შესაძლებელია, მაგრამ მაპის მიღებასთან დაკავშირებით ამ ფაქტორს ვერ ხედავს.

ჟურნალისტის კითხვაზე, მოხდება თუა არა საქართველოს ნატოში გაწევრიანება მომდევნო 10 წელიწადში, თავდაცვის მინისტრმა აღნიშნა, რომ რეალურად, ეს შესაძლებელია ნებისმიერ დროს მოხდეს.

„რეალურად რომ შევხედოთ, ეს შესაძლებელია 10 წელიწადში, ერთ წელიწადში, ნებისმიერ დროს მოხდეს. მზად უნდა ვიყოთ, შანსი ხელიდან არ გავუშვათ. ველოდებით ჩვენს შანსს. ჩვენი მხრიდან ყველა ტექნიკური სამუშაო შევასრულეთ. ახლა რაც გვაკლია, ეს არის პოლიტიკური გადაწყვეტილება მაპის მისაღებად და საბოლოოდ, გაწევრიანება, რასაც 2008 წლის ბუქარესტის სამიტზე დაგვპირდნენ. და თუ მაპს ვერ მიიღებთ... ეს არ იქნება საქართველოს დასასრული, მაგრამ იქნება ტრაგედია“, - განაცხადა თინა ხიდაშელმა.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

გამოკითხულ ამერიკელთა აბსოლუტური უმრავლესობა — 66% პირდაპირ თანაუგრძნობს და მხარს უჭერს უკრაინას რუსეთთან ომში ხოლო ამომრჩეველთა 65% უკრაინას აშშ-ის მოკავშირედ ან მეგობრად მიიჩნევს

ილონ მასკმა უკრაინული და ამერიკული ელიტები ომის გზით გამდიდრებაში დაადანაშაულა

საფრანგეთმა ახალი საპროტესტო აქციების წინ 70 000 ძალოვანის მობილიზება განახორციელა

რუსეთის თავდაცვის ინდუსტრიასთან დაკავშირებულმა კომპანიებმა წარმოების ჩინეთში გადატანა დაიწყეს