შრომის, ჯანმრთელობისა და სოციალური დაცვის მინისტრი დავით სერგეენკო სომხეთის რესპუბლიკის ჯანდაცვის მინისტრ არმენ მურადიანს შეხვდა.

შეხვედრაზე მხარეებმა საქართველოსა და სომხეთს შორის პარტნიორული თანამშრომლობის გაძლიერების გზებზე იმსჯელეს.

დელეგაციის წევრები სამი დღის განმავლობაში გაეცნობიან საქართველოს ჯანდაცვის სფეროში მიმდინარე და განხორციელებულ რეფორმებს, სამედიცინო რეგულირებისა და ფარმაცევტულ საკითხებს.

დელეგაციის შემადგენლობაში ასევე შედიან: დაავადებათა კონტროლისა და პროფილაქტიკის და ნაციონალური ცენტრის, ჯანდაცვის სახელმწიფო სააგენტოს, ჯანდაცვის ნაციონალური ინსტიტუტის, წამლებისა და ტექნოლოგიების სამედიცინო  ექსპერტიზის ცენტრისა და ლიცენზირების სააგენტოს ხელმძღვანელი პირები.

"წამოჭრილი იქნა რამოდენიმე მნიშვნელოვანი საკითხი, რომელიც ხაზს უსვამს ჩვენი ქვეყნების სისტემების თანამშრომლობის მნიშვნელობას,  რადგან მთელი რიგი მომავალი ჯანდაცვის საკითხები საერთო არის ჩვენი ქვეყნებისათვის. ამ მხრივ ჩვენი გამოცდილების გაზიარება ძალიან მნიშვნელოვანია.მოხარული ვარ, რომ ჩემი კოლეგისგან დავინახე ხედვა, რომელიც პრინციპულია ჩვენთვის, თუ რამდენად მნიშვნელოვანია პირველადი ჯანდაცვის განვითარება, სამედიცინო მომსახურების ხარისხის განვითარება და ვფიქრობ, ეს ვიზიტი საფუძველს ჩაუყრის ჩვენი ჯანდაცვის სისტემების ბევრად ინტენსიურ და ეფექტურ თანამშრომლობას",-განაცხადა დავით სერგეენკომ.

ვიზიტის ფარგლებში დელეგაციის წევრები მოინახულებენ სამედიცინო დაწესებულებებს, როგორც დედაქალაქში, ასევე ეთნიკურად სომეხი მოსახლეობით მჭიდროდ დასახლებულ რეგიონებში.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

გამოკითხულ ამერიკელთა აბსოლუტური უმრავლესობა — 66% პირდაპირ თანაუგრძნობს და მხარს უჭერს უკრაინას რუსეთთან ომში ხოლო ამომრჩეველთა 65% უკრაინას აშშ-ის მოკავშირედ ან მეგობრად მიიჩნევს

ილონ მასკმა უკრაინული და ამერიკული ელიტები ომის გზით გამდიდრებაში დაადანაშაულა

საფრანგეთმა ახალი საპროტესტო აქციების წინ 70 000 ძალოვანის მობილიზება განახორციელა

რუსეთის თავდაცვის ინდუსტრიასთან დაკავშირებულმა კომპანიებმა წარმოების ჩინეთში გადატანა დაიწყეს