საქართველოს პრეზიდენტი გიორგი მარგველაშვილი, დღეს, საერთაშორისო საქმეთა ეროვნულ–დემოკრატიული ინსტიტუტის (NDI) დირექტორთა საბჭოს წევრს ჰოვარდ დინს შეხვდა.

პრეზიდენტის ადმინისტრაციის პრესსამსახურის ინფორმაციით, შეხვედრისას მხარეებმა საქართველოში დემოკრატიის განვითარება და ამ მიმართულებით გადადგმული ნაბიჯები განიხილეს. საუბარი შეეხო ქვეყანაში მიმდინარე სასამართლო, საარჩევნო, ასევე საჯარო სამსახურის რეფორმების მნიშვნელობასაც. ჰოვარდ დინმა ყურადღება გენდერული თანასწორობის მნიშვნელობაზე გაამახვილა და საქართველოში დემოკრატიის ხელშეწყობისათვის საქართველოს პრეზიდენტის ძალისხმევას გაუსვა ხაზი.

მხარეებმა საქართველო-ამერიკის ორმხრივ ურთიერთობასა და თანამშრომლობის გაღრმავების პერსპექტივაზეც ისაუბრეს. კიდევ ერთხელ აღინიშნა, რომ ამერიკის შეერთებული შტატები საქართველოსათვის მნიშვნელოვანი სტრატეგიული პარტნიორია.

შეხვედრა საქართველოს პრეზიდენტის სასახლეში გაიმართა და მას ეროვნული უშიშროების საბჭოს მდივანი ირინა იმერლიშვილი, საქართველოს პრეზიდენტის ადმინისტრაციის უფროსი დავით პატარაია, ადმინისტრაციის უფროსის მოადგილე, პრეზიდენტის მრჩეველი ეკონომიკურ საკითხებში გიორგი აბაშიშვილი და პრეზიდენტის მრჩეველი - საერთაშორისო ურთიერთობათა მდივანი თენგიზ ფხალაძე, ასევე საქართველოში საერთაშორისო საქმეთა ეროვნულ–დემოკრატიული ინსტიტუტის (NDI) წარმომადგენლები ესწრებოდნენ.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

გამოკითხულ ამერიკელთა აბსოლუტური უმრავლესობა — 66% პირდაპირ თანაუგრძნობს და მხარს უჭერს უკრაინას რუსეთთან ომში ხოლო ამომრჩეველთა 65% უკრაინას აშშ-ის მოკავშირედ ან მეგობრად მიიჩნევს

ილონ მასკმა უკრაინული და ამერიკული ელიტები ომის გზით გამდიდრებაში დაადანაშაულა

საფრანგეთმა ახალი საპროტესტო აქციების წინ 70 000 ძალოვანის მობილიზება განახორციელა

რუსეთის თავდაცვის ინდუსტრიასთან დაკავშირებულმა კომპანიებმა წარმოების ჩინეთში გადატანა დაიწყეს