„მე უხერხულობას მიქმნის სპეკულაციები და არასწორი ინტერპრეტირება ბრიფინგის“, - ამის შესახებ შინაგან საქმეთა მინისტრის მოადგილემ ნინო ცაციაშვილმა პარლამენტში, ჟურნალისტებთან საუბრისას განაცხადა.

მისი თქმით, მნიშვნელოვანია არ მოხდეს მის მიერ ბრიფინგზე გაკეთებული განცხადების საზოგადოების მხრიდან ინტერპრეტირება და აღნიშნული საკითხების მტკიცებით ფორმაში გაჟღერება.

„ ჯერ კიდევ ბრიფინგისას, ძალიან მკვეთრად განვაცხადეთ იმასთან დაკავშირებით, რომ მზაობა სამინისტროს ჰქონდა აბსოლუტურად ღია. ჩვენი მოთხოვნილი მასალა, მათ შორის ჩანაწერები.

ბრიფინგისას ჩვენი მხრიდან მოხდა იმ ინფორმაციის გაჟღერება, რაც იმ მასშტაბზე გვქონდა, თუმცა დღევანდელი რეალობა რომ შეცვლილია, ეს არის ძალიან ობიექტური მოვლენა. იქიდან გამომდინარე, რომ მოხდა საგამოძიებო და საპროცესო მოქმედებების ჩატარება სხვა სურათის გამოკვეთა.

მე უხერხულობას მიქმნის სპეკულაციები და არასწორი ინტერპრეტირება ბრიფინგის. შეგიძლიათ კიდევ ერთხელ, ძალიან დეტალურად ნახოთ ჩემი ბრიფინგი. იქ იყო ხაზგასმა იმისა, რომ ჩვენს ხელთ არსებული ინფორმაციით აღნიშნული გარემოება არ დასტურდება, თუმცა იქვე იყო განმარტება იმასთან დაკავშირებით, რომ გამოძიება მიჰყავდა ინსპექტორის სამსახურს და ყველა კითხვას პასუხი გაეცემოდა ინსპექტორის სამსახურის მიერ. ვთანამშრომლობთ ინსპექტორთან და ყველა საჭირო მასალა უკვე მივაწოდეთ მათ. მე დავადასტურე ბრიფინგში ჟურნალისტის კითხვაზე პასუხი, რომ 3-4 წუთი მოადგილეს ნამდვილად ჰყავდა გაყვანილი ბავშვი. ამასთან აღსანიშნავია ისიც, რომ გუშინ პრემიერ-მინისტრმა ყველა უწყებებს დაგვავალა გარკვეული მიმართულებებით მუშაობა.

ამ ეტაპზე მნიშვნელოვანია იმ გამოწვევებზე რეალური პასუხი და მათი დაჩქარებულად გადაჭრა. პასუხისმგებლობა, რა თქმა უნდა, ყველასია. მათ შორის იმ უწყებების ვინც ამ პროცესშია ჩართული და პასუხისმგებლობა ზუსტად იმაში გამოიხატება, რომ ეფექტიანი მართლმსაჯულების პროცესის სრული აღსრულება მოხდეს“, - განაცხადა ნინო ცაციაშვილმა.  

ცნობისთვის, 15 წლის მოზარდი, რომელმაც რამდენიმე დღის წინ თვითმკვლელობა სცადა, საავადმყოფოში გარდაიცვალა. სწორედ გამომძიებლის მხრიდან ფსიქოლოგიური ძალადობა სახელდება მოზარდის მიერ თვითმკვლელობის მთავარ მიზეზად. საქმეს ამ დროისთვის სახელმწიფო ინსპექტორის სამსახური იძიებს და გამომძიებელი მარიანა ჩოლოიანი, სსკ-ის 335-ე მუხლის საფუძველზე, რაც ჩვენების მიცემის იძულებას გულისხმობს, დააკავეს.

ავტორი: ექსპრესნიუსი,

სოციალური ქსელები

ჟურნალისტების დადგენილი მოძალადე სპეცრაზმელები დაკავებულები არიან, სისტემამ თავისი საყრდენების ჭამა დაიწყო

პატრიარქობის კანდიდატმა, მიტროპოლიტმა იობმა ზეწოლაზე ისაუბრა - ახსენა სამთავრობო მედია

რეჟიმმა გურამ როგავაზე, ზვიად მაისაშვილზე და ლევან ხაბეიშვილზე 2024 წელს თავდასხმისთვის სპეცრაზმელები დააკავა

უძილაურის ოჯახის ახლობელი: ეს არის ევროპაზე დარტყმა და გიორგი ამ თემაში დაახურდავეს