„თუ სასამართლო სისტემაში მიმდინარე პროცესებს ახლდა ხარვეზები, უნდა მოხდეს მისი იდენტიფიცირება აუცილებლად და შემდგომისთვის გათვალისწინება“, - ამის შესახებ საქართველოს იუსტიციის უმაღლესი საბჭოს მდივანმა, უზენაესი სასამართლოს მოსამართლე გიორგი მიქაუტაძემ განაცხადა.

მისი თქმით, ის შეფასებები და დასკვნები, რომლებიც მოისმინა უზენაესი სასამართლოს მოსამართლეების არჩევის პროცესთან მიმართებაში სრულიად ბუნებრივი და მისაღებია.

„ძალიან ბევრი სახის დასკვნა და შეფასება მოვისმინეთ ამ პროცესთან მიმართებაში, რაც კიდევ ვიმეორებ, რომ არის ბუნებრივი და მისაღები. ასეც უნდა ხდებოდეს, ალბათ უნდა იყოს კრიტიკული მოსაზრებებიც, დადებითი უნდა შეფასდეს დადებითად და თუ ამ პროცესს ახლდა  ხარვეზები, უნდა მოხდეს მისი იდენტიფიცირება აუცილებლად და შემდგომისთვის გათვალისწინება.

პროცესები, რომლებიც მივიღეთ, თქვენც დარწმუნდით, რომ არის ბევრად უკეთესი, ვიდრე ეს იყო აქამდე, თუმცა ჩვენ არ ვამბობთ უარს განვითარებაზე.

ეს არის ძალიან დიდი გამოცდილება, პირველი შემთხვევა იყო, როდესაც ამ ფორმით მიმდინარეობდა პროცესები და იყო ძალიან დიდი გამოცდილება, როგორც იუსტიციის  საბჭოსთვის, ასევე პარლამენტისთვის“, - განაცხადა გიორგი მიქაუტაძემ.

შეგახსენებთ, რომ 12 დეკემბერს, საქართველოს პარლამენტმა უზენაესი სასამართლოს მოსამართლის თანამდებობაზე წარმოდგენილი 20 კანდიდატიდან 14-ს მხარი დაუჭირა.

ავტორი: ექსპრესნიუსი,

სოციალური ქსელები

თიბისი უკვე საერთაშორისო ტრანზაქციების განაწილების შესაძლებლობასაც გაძლევთ

WP: აშშ არ გამორიცხავს ერაყში დარტყმებს ოპერაციის ოფიციალური დასრულების შემდეგაც კი

მეუფე ზენონი - ახლა რუსეთის ეკლესიისთვის მნიშვნელოვანია, რომ საქართველოს ეკლესიამ უკრაინის ახალი ეკლესია არ აღიაროს და ამ მხრივ აფხაზეთისა და ცხინვალის საკითხი ხელსაყრელ ბერკეტს წარმოადგენს

კალაძე - ბიძინა ივანიშვილის სახელთან, მის გადაწყვეტილებასთან და მის გარშემო გაერთიანებულ ადამიანებთან არის დაკავშირებული 2012 წლის 1 ოქტომბერი