„რაც იყო პირადად ჩემთვის ერთ-ერთი საამაყო რამ, ისიც დგება უკვე სერიოზული რისკების და კითხვის ნიშნის ქვეშ“, - ამის შესახებ პარლამენტის დამოუკიდებელმა წევრმა თამარ ჩუგოშვილმა განაცხადა.

მისი თქმით, საჭიროა სააჩევნო სისტემა არ იყოს უსამართლო და არჩევნები ჩატარდეს დარღვევების გარეშე.

„ეს არის ყველაზე არასწორი ფორმა და მიდგომა, როგორც შეიძლებოდა მთლიანად ეს პროცესი გაგრძელებულიყო. კრიზისებს იწვევს ერთადერთი რამ, თუკი უსამართლო საარჩევნო სისტემით და მნიშვნელოვანი დარღვევებით და ხარვეზებით ჩატარდება არჩევნები. ეს ორი რამ გამოიწვევს მხოლოდ და მხოლოდ კრიზისს. ამიტომ, საჭიროა სისტემა არ იყოს უსამართლო და არჩევნები ჩატარდეს სწორად, გამართულად და დარღვევების გარეშე. ამის ნაცვლად იმის თქმა, რაც უკვე წერია კონსტიტუციაში და რაც არის ჩვენი ძალიან მნიშვნელოვანი მონაპოვარი ერთად გაკეთებული 2017 წელს, ჩვენი ჯერ კიდევ „ქართულ ოცნებაში“ ყოფნის პირობებში და რაც იყო პირადად ჩემთვის ერთ-ერთი საამაყო რამ, ისიც დგება უკვე სერიოზული რისკების და კითხვის ნიშნის ქვეშ“, - განაცხადა თამარ ჩუგოშვილმა.

შეგახსენებთ, რომ უმრავლესობის ლიდერმა მამუკა მდინარაძემ დღეს, „ქართული ოცნების“ ცენტრალურ ოფისში გამართულ ბრიფინგზე განაცხადა, რომ უმრავლესობამ 2020 წლის არჩევნებამდე უნდა მოვახერხოთ, საკონსტიტუციო ცვლილების განხორციელება, რომლის შედეგადაც 2024 წლამდე ნებისმიერი შესაძლო რიგგარეშე საპარლამენტო არჩევნები ისევ შერეული სისტემით ჩატარდება.

ავტორი: ექსპრესნიუსი,

სოციალური ქსელები

WP: აშშ არ გამორიცხავს ერაყში დარტყმებს ოპერაციის ოფიციალური დასრულების შემდეგაც კი

მეუფე ზენონი - ახლა რუსეთის ეკლესიისთვის მნიშვნელოვანია, რომ საქართველოს ეკლესიამ უკრაინის ახალი ეკლესია არ აღიაროს და ამ მხრივ აფხაზეთისა და ცხინვალის საკითხი ხელსაყრელ ბერკეტს წარმოადგენს

კალაძე - ბიძინა ივანიშვილის სახელთან, მის გადაწყვეტილებასთან და მის გარშემო გაერთიანებულ ადამიანებთან არის დაკავშირებული 2012 წლის 1 ოქტომბერი

ზურაბ ცეცხლაძე საზმაუზე: ჩვენს აქციაზე საინფორმაციო გამოშვებაში ერთი წინადადებაც არ თქვეს