„ეს არის „ნაციონალური მოძრაობის“ სახე, სხვა რა შეიძლება ამას ვუწოდოთ? შემოდიან წამლავენ ადამიანებს ისევ იმისთვის, რომ ხელისუფლებაში მოვიდნენ“, - ასე ეხმაურება ადამიანის უფლებათა დაცვის კომიტეტის თავმჯდომარე სოფო კილაძე, პარლამენტში მომხდარ ინციდენტს, პლენარულ სხდომათა დარბაზში გაურკვეველი ნივთიერების შეტანის თაობაზე.

მისი ინფორმაციით, აღნიშნული ნივთიერების პარლამენტში შეტანის შედეგად, 4 ადამიანი დაშავდა, საიდანაც 2 პარლამენტის დეპუტატია.

„ორი ქალბატონი დეპუტატი გახდა ცუდად, ასევე პარლამენტის აპარატის 2 თანამშრომელი. ერთი ქალბატონი და ერთი მამაკაცი. ერთი ქალბატონი გადაიყვანეს საავადმყოფოში, ხოლო დანარჩენებს აქ მკურნალობენ. ეს არის „ნაციონალური მოძრაობის“ სახე, სხვა რა შეიძლება ამას ვუწოდოთ? შემოდიან წამლავენ ადამიანებს ისევ იმისთვის, რომ ხელისუფლებაში მოვიდნენ. ეს ადამიანური და პოლიტიკოსის საქციელია? დასავლურ პოლიტიკოსობაზე რომ დებენ თავს, პოლიტიკოსები ასე არ იქცევიან“, - განაცხადა სოფო კილაძემ.

შეგახსენებთ, რომ პარლამენტის პლენარულ სხდომაზე, სადაც მოსამართლეობის კანდიდატებისთვის კენჭი უნდა ეყარათ, ტექნიკური შესვენება გამოცხადდა.

ირაკლი კობახიძის განცხადებით, ამის მიზეზი ოპოზიციის ორი დეპუტატია, რომლებმაც  დარბაზში გარკვეული ნივთიერება შეიტანეს.

ავტორი: ექსპრესნიუსი,

სოციალური ქსელები

თიბისი უკვე საერთაშორისო ტრანზაქციების განაწილების შესაძლებლობასაც გაძლევთ

WP: აშშ არ გამორიცხავს ერაყში დარტყმებს ოპერაციის ოფიციალური დასრულების შემდეგაც კი

მეუფე ზენონი - ახლა რუსეთის ეკლესიისთვის მნიშვნელოვანია, რომ საქართველოს ეკლესიამ უკრაინის ახალი ეკლესია არ აღიაროს და ამ მხრივ აფხაზეთისა და ცხინვალის საკითხი ხელსაყრელ ბერკეტს წარმოადგენს

კალაძე - ბიძინა ივანიშვილის სახელთან, მის გადაწყვეტილებასთან და მის გარშემო გაერთიანებულ ადამიანებთან არის დაკავშირებული 2012 წლის 1 ოქტომბერი