„საქართველო არის აბსოლუტურად სანდო დასაყრდენი, პარტნიორი ყველა ჩვენი მეგობარი ქვეყნისთვის“,-ამის  შესახებ საქართველოს თავდაცვის მინისტრმა თინა ხიდაშელმა პრეზიდენტის სასახლეში  განაცხადა, სადაც ევროკავრიშირის მისიის ეგიდით ცენტრალური აფრიკის რესპუბლიკაში საქართველოს სამშვიდობო კონტიგენტთან შეხვედრა გაიმართა.

მისივე თქმით,  ქართული შენაერთების მონაწილეობა საერთაშორისო მისიებში  დასტურია იმისა, რომ საქართველო დემოკრატიული სამყაროს ნაწილია.

„საქართველო არის აბსოლუტურად სანდო დასაყრდენი პარტნიორი ყველა ჩვენი მეგობარი ქვეყნისთვის და ეს საუკეთესოდ დადასტურდა ცენტრალური აფრიკის შემთხვევაში, როდესაც ჩვენ ფრანგულ კონტიგენტთან ერთად მხარდამხარ ვიდექით მაშინ, როდესაც ყველაზე მეტად უჭიდრდა ამ მისიას. ამას ყველა აღიარებს. რომ არ ყოფილიყო ქართული კონტიგენტი, შესაძლოა, ეს მისია საერთოდ არ შემდგარიყო. ანალოგიურია ავღანეთშიც ქართველების თანამონაწილეობა, როდესაც პატარა ქვეყანას რაოდენობრივად ყველაზე მეტი ჯარი გყავს, თუ დავითვთლით აშშ-ის მერე, ეს ყველაზე კარგად ადასტურებს ყველა იმ განაცხადს, რომელსაც პოლიტიკოსები და ქართველი ხალხი აკეთებენ ხოლმე რეფერენდუმებზე და ყოველი არჩევნების წინ. ჩვენი ინტეგრაციის გზა სწორედ ამ მისიებში მონაწილეობით დასტურდება“,- განაცხადა  თინა ხიდაშელმა.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

ოდესაში, რუსული სამხედრო თავდასხმის შედეგად 16 ადამიანი დაშავდა

აშშ-ს სურს ჰორმუზის სრუტისთვის ახალი კოალიციის შექმნა - The Wall Street Journal

შსს-ს გენერალური ინსპექციის უფროსმა, დავით არჩვაძემ თანამდებობა დატოვა

ბოჭორიშვილი: მოსკოვის მექანიზმი პოლიტიკური მიზნებისთვის ამოქმედებული ინსტრუმენტია