იმედი და მოლოდინი გვაქვს, რომ წლის ბოლოს ვიზა ლიბერალიზაციასთან დაკავშირებით ევროკავშირის პოლიტიკური გადაწყვეტილება იქნება პოზიტიური, - ამის შესახებ საქართველოს პრემიერ-მინისტრმა ირაკლი ღარიბაშვილმა ევროპული საბჭოს პრეზიდენტ დონალდ ტუსკთან შეხვედრის შემდეგ გამართულ ერთობლივ პრესკონფერენციაზე განაცხადა.

ღარიბაშვილის თქმით, მან ევროპული საბჭოს პრეზიდენტს ევროკავშირთან ასოცირების გეგმის განხორციელების შესახებ ინფორმაცია მიაწოდა.

„ჩვენთვის ძალიან მნიშვნელოვანია სავიზო დიალოგის წარმატებით დასრულება. ბატონ ტუსკს მოვახსენე, რომ სრულიად მთელი მთავრობა არის მოტივირებული, რომ პირნათლად შევასრულოთ ყველა ის ვალდებულება, რომელიც გვაქვს ნაკისრი ვიზა ლიბერალიზაციის სამოქმედო გეგმის ფარგლებში. ბატონ ტუსკს მივაწოდე ინფორმაცია იმის თაობაზე, რომ ევროკავშირთან ასოცირების გეგმის განხორციელება მიმდინარეობს წარმატებით, ჩვენ არავითარი ჩამორჩენა არ გვაქვს. ასევე DCFTA-ის ნაწილშიც ჩვენ მივყვებით მოცემულ გეგმას და სავიზო რეჟიმის გამარტივების ფარგლებში ასევე მივდივართ წინ და ჩვენ პრაქტიკულად ყველა ნაკისრი ვალდებულება შევასრულეთ. ჩვენ გვაქვს იმედი და მოლოდინი, რომ წლის ბოლოს ევროკავშირის პოლიტიკური გადაწყვეტილება იქნება პოზიტიური. ეს ძალიან მნიშვნელოვანია ჩვენი ქვეყნისთვის და მოსახლეობისთვის და სწორედ ამ საკითხებზეც ვისაუბრეთ“, - განაცხადა ირაკლი ღარიბაშვილმა.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

გამოკითხულ ამერიკელთა აბსოლუტური უმრავლესობა — 66% პირდაპირ თანაუგრძნობს და მხარს უჭერს უკრაინას რუსეთთან ომში ხოლო ამომრჩეველთა 65% უკრაინას აშშ-ის მოკავშირედ ან მეგობრად მიიჩნევს

ილონ მასკმა უკრაინული და ამერიკული ელიტები ომის გზით გამდიდრებაში დაადანაშაულა

საფრანგეთმა ახალი საპროტესტო აქციების წინ 70 000 ძალოვანის მობილიზება განახორციელა

რუსეთის თავდაცვის ინდუსტრიასთან დაკავშირებულმა კომპანიებმა წარმოების ჩინეთში გადატანა დაიწყეს