2015-07-20 19:10:42, 460 ნახვა

---

გიორგი მარგველაშვილი ვიზალიბერალიზაციაზე: წლის ბოლოსთვის ჩვენ უნდა გვქონდეს პოზიტიური დინამიკის რეალისტური მოლოდინი

„წლის ბოლოსთვის ჩვენ უნდა გვქონდეს პოზიტიური დინამიკის აბსოლუტურად რეალისტური მოლოდინი“,-ამის შესახებ საქართველოს პრეზიდენტმა გიორგი ამრგველაშვილმა ვიზალიბერალიზაციის  საბოლოო ანგარიშის თაობაზე  დასმულ კითხვაზე პასუხისას განაცხადა.

მისივე თქმით, ბოლო ორი წლის განმავლობაში ევროპული დღის წესრიგი სულ უფრო პროგრესირებს.

„ჩვენ ვადევნებთ თვალყურს საქართველოს ბოლო წელიწადნახევრის, 2 წლის დინამიკას და ვხედავთ, რომ ევროპული დღის წესრიგი სულ უფრო პროგრესირებს. პირველი იყო ასოცირების ხელშეკრულება, ამ ხელმოწერამდეც და შემდეგაც ერთ-ერთი მთავარი, დომინანტური და პოლიტიკური ვექტორი ჩვენი ქვეყნის განვითარებაში იყო ევროპული დღის წესრიგი. დღეს  საქართველოს მთავრობა და პარლამენტი აქტიურად მუშაობენ იმ მიმართულებით, რომ ეფექტურად უპასუხონ მისიის მოთხოვნებს და დარწმუნებული ვარ, ასეც იქნება. ამ დინამიკაში როცა ევროპელ პარტნორებთან ღრმავდება კავშირი, მიმაჩნია, რომ წლის ბოლოსთვის ჩვენ უნდა გვქონდეს პოზიტიური დინამიკის აბსოლუტურად რეალისტური მოლოდინი“,-განაცხადა გიორგი მარგველაშვილმა.

---

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

---

დღის თემა

მთავარი თემა

ინტერვიუ - ექსკლუზივი