“რეპრესიების არქიტექტურა” წარმოადგენს შედარებით კვლევას  იმ ქვეყნების გამოცდილებაზე, სადაც სამოქალაქო საზოგადოება ფუნქციონირებს მზარდი პოლიტიკური, სამართლებრივი და ინსტიტუციური წნეხის პირობებში.

კვლევა მოიცავს რუსეთის, ვენესუელას, ფილიპინების, ბელარუსისა და ყირგიზეთის მაგალითებს და აჩვენებს, როგორ ვითარდება ე.წ. „დემოკრატიული უკუსვლის“ პროცესები სხვადასხვა კონტექსტში. განსაკუთრებული ყურადღება ეთმობა ისეთ მექანიზმებს, როგორიცაა სამოქალაქო ორგანიზაციების სტიგმატიზაცია, მათი დელეგიტიმაცია, სამართლებრივი შეზღუდვები და ადმინისტრაციული ბარიერების გაზრდა.

ანგარიში ცხადყოფს, რომ მსგავსი პროცესები, როგორც წესი, იწყება ნარატივების შექმნით, რომლებიც სამოქალაქო სექტორს წარმოაჩენს „უცხო ინტერესების გამტარად“ ან „სახელმწიფოს წინააღმდეგ მოქმედ აქტორად“, რაც შემდგომში ამართლებს რეპრესიული პოლიტიკის განხორციელებას.

ანგარიში განსაკუთრებით მნიშვნელოვანია ქართული სამოქალაქო სექტორისთვის, რადგან იგი იძლევა შესაძლებლობას, სხვა ქვეყნების გამოცდილებაზე დაყრდნობით წინასწარ დაინახოს შესაძლო განვითარების სცენარები და გააძლიეროს საკუთარი ინსტიტუციური მედეგობა.

ავტორიტარული რეჟიმებისთვის დამახასიათებელი პრაქტიკაა არასამთავრობო სექტორის
საქმიანობა საზოგადოებას დესტრუქციულად, ან ანტისახელმწიფოებრივად დაანახოს.
ამგვარი „მტრის ხატის“ შექმნის პროცესი, როგორც წესი, მიზანმიმართული ზეწოლისა და
ეტაპობრივი შეზღუდვების ქრონოლოგიად იქცევა, რომელიც წინასწარ განსაზღვრული
ლოგიკით აქტიურდება და საბოლოოდ სამოქალაქო საზოგადოებას მოქმედების სივრცეს
მნიშვნელოვნად უზღუდავს. მსგავსი სცენარი პოსტსაბჭოთა სივრცეში არაერთხელ
განხორციელებულა, ამ მხრივ, ერთ-ერთ ყველაზე თვალსაჩინო მაგალითად შეიძლება
მივიჩნიოთ ვლადიმერ პუტინის ადმინისტრაციის მიერ გატარებული პოლიტიკა.
რუსეთის შემთხვევაში, სამოქალაქო საზოგადოების წინააღმდეგ მიმართულ პოლიტიკას
თანმიმდევრული, ეტაპობრივი და ინსტიტუციურად გამყარებული ხასიათი ჰქონდა.
სახელმწიფოს სტრატეგია არ შემოიფარგლებოდა ცალკეული ორგანიზაციების შეზღუდვით;
მთავარი მიზანი იყო საზოგადოებაში არასამთავრობო სექტორის, დამოუკიდებელი მედიისა
და აქტივისტების „მტრულ სუბიექტებად“ წარმოჩენა.

ანგარიში ვრცლად წაიკითხეთ 

ავტორი: ექსპრესნიუსი,

სოციალური ქსელები

ზელენსკიმ რუბიოს განცხადებას ომში ჩიხის შესახებ უპასუხა

რუბიო: რუსეთსა და უკრაინას შორის კონფლიქტის ჩიხი შესაძლოა რეგიონულ ომში გადაიზარდოს

უკრაინამ ომსკში რუსეთის უდიდეს ნავთობგადამამუშავებელ ქარხანას დაარტყა

მოსკოვთან ახლოს დრონით თავდასხმის შედეგად მამაკაცი დაიღუპა - აეროპორტებში რეისების მასშტაბური გაუქმება ხდება