შეიარაღებულმა პირებმა წითელუბანში საქართველოს დროშა ჩამოხსნეს. ამის შესახებ ინფორმაცია „ექსპრესნიუსს“  შინაგან საქმეთა  სამინისტროს  საინფორმაციო-ანალიტიკური სამსახურის უფროსმა შალვა ენუქიძემ  დაუდასტურა.  

მისივე თქმით,  შეირაღებულმა პირებმა  დროშა იმ  ტერიტორიაზე ჩამოხსენს, სადაც  ე.წ. ბანერების დემონტაჟი მოხდა. 

„რამდენიმე საათის წინ წითელუბანში სადაც, მოხდა ე.წ. ბანერის მოხსნა ჩამოსული იყო შვიდი ფორმიანი პიროვნება.  სამ მათგან ჰქონდა ე.წ. ნიღაბი. ჩვენ ავამუშავეთ ცხელი ხაზი  ევროსადამკვირვებლო მისიის დახმარებით, რა დროსაც ცნობილი გახდა, რომ აღნიშნული პიროვნებები იყვნენ დე-ფაქტო ხელისუფლების ე.წ. სასაზღვრო დანაყოფის  ჯარისკაცები, რომლებიც ადგილზე იმყოფებოდნენ 10 ივლისს ე.წ. საზღვრის აღმნიშვნელი ბანერის დასათვალიერებლად. ჩვენი მხრიდან ადგილზე იმყოფებოდა სამხარეო, რეგიონის და  კრიმინალური პოლიციის წარმომადგენლები,  უშუალოდ მოადგილე დავით ბაიდაური.  იმისთვის, რომ თავიდან ყოფილიყო აცილებული დაპირისპირება დე-ფაქტო ხელისუფლების წარმომადგენლებთან“,-განუცხადა „ექსპრესნიუსს“ შალვა ენუქიძემ. 

ამასთან, ენუქიძის ინფორმაციით,  უახლოეს მომავალში დაგეგმილია ინცინდენტების პრევენციისა და მათზე რეგირების კუთხით ე.წ. სამხრეთ ოსეთის ხელისუფლების წარმომადგენლებთა შეხვედრა. 

მისივე ინფორმაციით, ქართული მხარე  დე-ფაქტო  ხელისუფლების წარმომადგენლებთან მწვავედ ისაუბრებს  ბოლო პერიოდში განვითარებულ მოვლენებთან დაკავშირებით.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

გამოკითხულ ამერიკელთა აბსოლუტური უმრავლესობა — 66% პირდაპირ თანაუგრძნობს და მხარს უჭერს უკრაინას რუსეთთან ომში ხოლო ამომრჩეველთა 65% უკრაინას აშშ-ის მოკავშირედ ან მეგობრად მიიჩნევს

ილონ მასკმა უკრაინული და ამერიკული ელიტები ომის გზით გამდიდრებაში დაადანაშაულა

საფრანგეთმა ახალი საპროტესტო აქციების წინ 70 000 ძალოვანის მობილიზება განახორციელა

რუსეთის თავდაცვის ინდუსტრიასთან დაკავშირებულმა კომპანიებმა წარმოების ჩინეთში გადატანა დაიწყეს