რუსეთის საოკუპაციო ძალების მიერ  ახალგორის რაიონის სოფელ ორჭოსანსა და წითელუბნის ტერიტორიაზე სადემარკაციო ნიშნების უკანონოდ აღმართვასთან  დაკავშირებით ევროკავშირი სპეციალურ განცხადებას ავრცელებს.

როგორც ევროკავშირის განცხადებაშია აღნიშნული, პროვოკაციული ნაბიჯები, რომელიც ვითარების სტაბილიზაციის მცდელობას აზიანებს, თავიდან უნდა იქნას აცილებული.

"ახალი სადემარკაციო ნიშნების დაყენებამ საქართველოს რეგიონის, სამხრეთ ოსეთის ადმინისტრაციულ საზღვარზე, დაძაბულობა გამოიწვია, რამაც შესაძლოა პოტენციურად უარყოფითი გავლენა იქონიოს ადგილობრივ მოსახლეობაზე, მათ ცხოვრებასა და თავისუფალ გადაადგილებაზე. ისეთი ნაბიჯები, რომელიც შესაძლოა, პროვოკაციულად იყოს გაგებული, თავიდან უნდა იქნას აცილებული, ასევე ქმედებები, რომლებიც აზიანებს ვითარების სტაბილიზაციის მცდელობებს“,-ნათქვამია განცხადებაში.

ევროკავშირი მხარეებს მოუწოდებს დაძაბულობის განსამუხტად გამოიყენოს ჟენევის ფორმატი და ინციდენტების პრევენციისა და რეაგირების მექანიზმი.

 ევროკავშირი კიდევ ერთხელ გამოხატავს მხარდაჭერას საქართველოს სუვერენიტეტისა და ტერიტორიული მთლიანობისადმი.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

გამოკითხულ ამერიკელთა აბსოლუტური უმრავლესობა — 66% პირდაპირ თანაუგრძნობს და მხარს უჭერს უკრაინას რუსეთთან ომში ხოლო ამომრჩეველთა 65% უკრაინას აშშ-ის მოკავშირედ ან მეგობრად მიიჩნევს

ილონ მასკმა უკრაინული და ამერიკული ელიტები ომის გზით გამდიდრებაში დაადანაშაულა

საფრანგეთმა ახალი საპროტესტო აქციების წინ 70 000 ძალოვანის მობილიზება განახორციელა

რუსეთის თავდაცვის ინდუსტრიასთან დაკავშირებულმა კომპანიებმა წარმოების ჩინეთში გადატანა დაიწყეს