საქართველოს პრეზიდენტმა გიორგი მარგველაშვილმა შსს–დან უსაფრთხოების სამსახურის გამოყოფის შესახებ კანონპროექტს ხელი მოაწერა. 

ამის შესახებ პრეზიდენტის ადმინისტრაციაში გამართულ ბრიფინგზე პრეზიდენტის მრჩეველმა, ადამიანის უფლებათა დაცვის საკითხებში,  კახა კოჟორიძემ განაცხადა. 

მისივე თქმით, საქართველოს პრეზიდენტს მიაჩნია, რომ შსს–ს  რეფორმასთან დაკავშირებული კანონპროექტით საწყისი, მაგრამ არასაკმარისი ნაბიჯია გადადგმული და რეფორმები მომავალში, უფრო სწრაფად, კარგად და გააზრებულად უნდა გაგრძელდეს.  

„პრეზიდენტი, პარლამენტში ყოველწლიური მოხსენებისა და ასევე სპეციალური მიმართვის დროს ხაზს უსვამდა, თუ რა მნიშვნელობა აქვს ქვეყნისთვის შსს–ს რეფორმირების საკითხს. პრეზიდენტი ყოველთვის აღნიშნავდა, რომ რეფორმირება არის ქვეყნისთვის   გადაუდებელი ინტერესის მქონე, რაც დროულად და კარგად უნდა განხორციელდეს, სწორედ ამ მიზანს და ამ სფეროს ემსახურებოდა პრეზიდენტის მიერ ვეტო–ს ორჯერ გამოყენება ე.წ. მოსმენების კანონპროექტთან დკავშირებით“, – აღნიშნა კოჟორიძემ. 

ცნობისთვის, „სახელმწიფო უსაფრთხოების შესახებ“ კანონი  შინაგან საქმეთა სამინისტროს გაყოფასა და საპოლიციო და სახელმწიფო უსაფრთხოების ფუნქციების ერთმანეთისგან გამიჯვნას ითვალისწინებს.
კერძოდ, შსს-ში დარჩება ყველა პოლიციური დანაყოფი, ხოლო უშიშროება სახელმწიფო უსაფრთხოების სამსახურში გადავა. სახელმწიფო უსაფრთხოების სამსახურის ხელმძღვანელს მთავრობას პრემიერი წარუდგენს, მთავრობის თანხმობის შემთხვევაში კი, პარლამენტი განიხილავს და უმრავლესობით 6 წლის ვადით დაამტკიცებს.
სახელმწიფო უსაფრთხოების სამსახური პირველი აგვისტოდან შეიქმნება.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

გამოკითხულ ამერიკელთა აბსოლუტური უმრავლესობა — 66% პირდაპირ თანაუგრძნობს და მხარს უჭერს უკრაინას რუსეთთან ომში ხოლო ამომრჩეველთა 65% უკრაინას აშშ-ის მოკავშირედ ან მეგობრად მიიჩნევს

ილონ მასკმა უკრაინული და ამერიკული ელიტები ომის გზით გამდიდრებაში დაადანაშაულა

საფრანგეთმა ახალი საპროტესტო აქციების წინ 70 000 ძალოვანის მობილიზება განახორციელა

რუსეთის თავდაცვის ინდუსტრიასთან დაკავშირებულმა კომპანიებმა წარმოების ჩინეთში გადატანა დაიწყეს