„ის ფაქტი, რომ OPIC-ის  ხელმძღვანელობა საქართველოს უყურებს როგორც ჰაბს რეგიონში და  დებენ ფულს მის ინფრასტრუქტურაში, ძალიან მნიშვნელოვანია ჩვენი ქვეყნისთვის“, - ასე შეაფასა საქართველოს სავაჭრო-სამრეწველო  პალატის პრეზიდენტმა, გიორგი პერტაიამ ფოთის „პეის ტერმინალსის" ტერიტორიაზე ახალი საპორტო ინფრასტრუქტურის მშენებლობის პროექტი, რომელიც აშშ-ის  მთავრობის  კერძო უცხოური ინვესტიციების კორპორაცია OPIC-ის დაფინანსებით ხორციელდება.

„დღეს ძალიან მნიშვნელოვანი დღეა,  მნიშვნელოვანი ინვესტიცია იდება საქართველოში. კარგია, რომ ეს ამერიკული კაპიტალია, რადგან მასთან ერთად შემოვა ამერიკული ცოდნა, ფული ჩაიდება ინფრასტრუქტურაში და  ეს მთლიანობაში კარგია ქვეყნისთვის“, - განაცხადა გიორგი პერტაიამ.

 ფოთის ახალი ტერმინალის პროექტი 500 სამუშაო ადგილის შექმნას ითვალისწინებს. მშენებლობის ფარგლებში აკვატორიის დაღრმავების შედეგად შესაძლებელი იქნება 60 ათას ტონამდე წყალწყვის გემების მიღება, რაც ტვირთბრუნვის 5 მილიონ ტონამდე გაზრდის შესაძლებლობას იძლევა.  ახალი საპორტო ინფრასტრუქტურის პროექტს განახორციელებს „პეის ჯგუფი," რომელიც რეგიონში ერთ-ერთი უმსხვილესი კომპანიაა.

 მშენებლობის დაწყებასთან დაკავშირებით სიმბოლური კაფსულის ჩადების საზეიმო ღონისძიებაში დღეს საქართველოს პარლამენტისა და მთავრობის წევრები, დიპლომატიური კორპუსის წარმომადგენლები და უცხოელი სტუმრები მონაწილეობდნენ.

(NS)

ავტორი: ექსპრესნიუსი,

სოციალური ქსელები

შვედეთის საჰაერო ძალებმა განაცხადეს, რომ თავდასხმის შემთხვევაში, ისინი რუსეთის სიღრმეში დარტყმებს განახორციელებენ

რუსეთმა უკრაინის წინააღმდეგ სპეციალური ქობინებით აღჭურვილი დრონებით დაბომბვა დაიწყო ელექტროგადამცემი ხაზების გასანადგურებლად

საფრანგეთში, მოსწავლეებმა სკოლების ბლოკირება დაიწყეს მასწავლებლების დეფიციტისა დანგრეული ინფრასტრუქტურის გამო

ბერა ივანიშვილი მამის კონტროლირებად სასამართლოში ჩივილით ემუქრება ყველას, ვინც ქოლცენტრების მფარველობას აბრალებს