საქართველოს საპატრიარქო რუსეთის მიერ საზღვრის გადმოწევას რუსეთ–საქართველოს ურთიერთობაში დიდ შეცდომად აფასებს.
საპატრიარქოში აცხადებენ, რომ საოკუპაციო ხაზთან განვითარებული მოვლენები ყოვლად მიუღებელია.
როგორც გორისა და ატენის მიტროპოლიტმა ანდრეა გვაზავამ საპატრიარქოში გამართულ პრესკონფერენციაზე განაცხადა, ამ ფაქტის შემდეგ საერთაშორისო საზოგადოების უფრო აქტიურად ჩართვა აუცილებელია.
„ცნობილი გახდა, რომ ახლახან ე.წ. სამხრეთ ოსეთთან არსებული დე ფაქტო საზღვრის ხაზი კვლავ გადმოიწია. ეს ჩვენი ქვეყნის ტერიტორიის მიტაცების უკვე მერამდენე მცდელობაა. არაერთხელ აღგვნიშნავს და კვლავ გავიმეორებ, რომ ასეთი ნაბიჯები რუსეთ –საქართველოს ურთიერთობაში დიდ შეცდომად და ყოვლად მიუღებლად მიგვაჩნია. ვფიქრობ, აუცილებელია საერთაშორისო საზოგადოების უფრო აქტიური ჩართულობა, რომ საქართველომ შეძლოს თავი დაიცვას მსგავსი შემოტევებისგან“, – აღნიშნა ანდრეა გვაზავამ. 
მიტროპოლიტი სოფელ ხურვალეთში ჟურნალისტების ჩასვლას და რუსეთის საოკუპაციო რეჟიმის გაპროტესტებასაც გამოეხმაურა. მან ე.წ. საზღვრის აღმნიშვნელი ბანერის მოგლეჯვის ფაქტი დადებითად შეაფასა. 
„ბანერი რომ აიღეს, ძალიან კარგი ქნეს“, – აღნიშნა მიტროპოლიტმა.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

ლევან მახაშვილი -ბრიუსელის ბიუროკრატია დინების წინააღმდეგ ცურავს

თორნიკე ფაღავა: საქართველოს აქვს თავისი დამოუკიდებელი, მშვიდობიანი, სუვერენული, ევროინტეგრაციის გზა და სტრატეგიული ხედვა

ლაშა ფარულავა – საპროცესო შეთანხმება არის ერთადერთი გზა, ჩვენმა თანამებრძოლებმა პოლიტიკურ ტყვეობას დააღწიონ თავი, ამიტომ არაფერი დასაძრახი არ არის

გიგა ფარულავა – ციხეში რჩებიან მოქალაქეები, რომლებიც ლიდერებმა 4 ოქტომბერს შეცდომაში შეიყვანეს, კეთილი ინებონ და აუხსნან, როგორ აპირებენ მათ დახმარებას