|
2026-10-13 15:24:41, 1890 ნახვა
პოლიტიკა
გიგა ფარულავა – ციხეში რჩებიან მოქალაქეები, რომლებიც ლიდერებმა 4 ოქტომბერს შეცდომაში შეიყვანეს, კეთილი ინებონ და აუხსნან, როგორ აპირებენ მათ დახმარებას
მურთაზ ზოდელავა გააფორმებს თუ არა საპროცესო შეთანხმებას, ჩემთვის ნაკლებად საინტერესოა, აქ ფაქტია, რომ 4 ოქტომბერი იყო დანაშაული ჩვენი ქვეყნის და მოქალაქეების წინაშე, ლიდერები მოუწოდებდნენ საზოგადოებას 4 ოქტომბერს შეკრებილიყვნენ, მშვიდობიანი დამხობის გზით აპირებდნენ ხელისუფლების შეცვლას, – ამის შესახებ პარტიის „გახარია საქართველოსთვის“ წევრმა, გიგა ფარულავამ განაცხადა. მისი თქმით, საპრცესო შეთანხმების გაფორმება მათი უფლებაა, თუმცა ციხეში რჩებიან მოქალაქეები, ვინც ამ ადამიანებმა შეიყვანეს შეცდომაში და უნდა აუხსნან, როგორ აპირებენ მათ დახმარებას. „გამოვიდნენ და აუხსნან საზოგადოებას, როგორ აპირებდნენ, დაეწყოთ დილით და დაემთავრებინათ საღამოს. მათი გადასაწყვეტია, მიიღონ შეწყალება, მაგრამ, როდესაც გამოვლენ, აუხსნან საზოგადოებას, როგორ მოხდა 4 ოქტომბრის დაგეგმვა, როგორ განახორციელეს, ვინ განახორციელა. ბოლოს და ბოლოს, ეს ადამიანები ციხიდან თუ გამოდიან, იქ რჩებიან მოქალაქეები, ვინც ამ ადამიანებმა შეცდომაში შეიყვანეს, კეთილი ინებონ, აუხსნან იმ მოქალაქეებს, მათ ოჯახის წევრებს, საზოგადოებას, როგორ აპირებენ იმ ადამიანების დახმარებას, ვინც მათი უპასუხისმგებლო ქმედების გამო დღეს ციხეში არიან. რაც შეეხება „ოცნების“ მიდგომას, „ოცნება“ ამ 4 ოქტომბრის პროვოკაციულ-რევოლუციურ სცენარს სათავისოდ იყენებს. ჩვენ არაერთხელ, მათ შორის 4 ოქტომბრამდეც, მოვუწოდებდით საზოგადოებას, რომ ეს იყო „ოცნების“ მიერ დაგეგმილი პროვოკაცია, რომელიც აღასრულეს სწორედ ამ უპასუხისმგებლო პოლიტიკოსებმა. ეს ადამიანები როდესაც აწერენ ხელს საპროცესოზე, „ოცნების“ პასუხისმგებლობაა ის, რომ ორგანიზატორებზე ადრე შეცდომაში შეყვანილი რიგითი მოქალაქეები უნდა გაეთვალისწინებინათ“, – აღნიშნა ფარულავამ. მისივე შეფასებით, 4 ოქტომბერს დაშვებული შეცდომით დაზიანდა მშვიდობიანი პროტესტი. „ამ ადამიანების გადაწყვეტილება ჩვენთვის მიუღებელი იყო მაშინაც, როდესაც 4 ოქტომბერი დაგეგმეს და მოქალაქეებს მოუწოდეს ამ რევოლუციური სცენარით ხელისუფლების შეცვლისკენ. ეს თავიდანვე იყო პროვოკაცია, დანაშაული და შეცდომა, რაც შეგნებულად და მიზანმიმართულად გააკეთეს, კიდევ ერთხელ ვამბობ, მათი გადასაწყვეტია, თუ აფორმებენ საპროცესო შეთანხმებას, ცნობისთვის, 4 ოქტომბრის საქმეზე მსჯავრდებულებმა მურთაზ ზოდელავამ და ლაშა ბერიძემ პროკურატურას საპროცესო შეთანხმების გაფორმების თაობაზე მიმართეს. მათი პროცესი სააპელაციო სასამართლოში დღეს არის დანიშნული.
უკრაინამ განაცხადა, რომ ზელენსკი მზადაა პუტინს ანტარქტიდაში შეხვდეს, მაგრამ არა მოსკოვში
კირცხალია ივანიშვილის წარმომადგენელთა სხდომაზე - განვიხილეთ ჩინეთთან ურთიერთობა და სხვა პოლიტიკური საკითხები
ღარიბაშვილი სხდომების დახურვაზე -ჩრდილოვანი მართლმსაჯულების მკაფიო მაგალითია
ბრალი წარედგინა მასწავლებელს, რომელიც 30 წლის წინ, 7 წლის დაზარალებულზე სექსუალურად ძალადობდა - საფარი
|
რედაქტორის რჩევით
„ტექნიკური ოპტიმიზაცია“ თუ გასაჩივრების უფლების გაუქმება - რას უშვება ივანიშვილის რეჟიმი საარჩევნო კოდექსს
რა არის „ლურჯი ცუნამი“ და რატომ ხდება იგი აშშ-ს შუალედურ არჩევნებზე
ომი უკრაინაში
უკრაინამ განაცხადა, რომ ზელენსკი მზადაა პუტინს ანტარქტიდაში შეხვდეს, მაგრამ არა მოსკოვში
ბალისტიკური რაკეტების სამი ტალღა, ხიდზე დარტყმა და ენერგეტიკის სექტორი: ყველაფერი კიევზე თავდასხმის შედეგების შესახებ
ვიდეო/LIVE პატრიარქის ილია მეორის დაკრძალვა - პირდაპირი
„ტექნიკური ოპტიმიზაცია“ თუ გასაჩივრების უფლების გაუქმება - რას უშვება ივანიშვილის რეჟიმი საარჩევნო კოდექსს
მთავარი თემა
|


ავტორი: მარიამ იმერლიშვილი, ექსპრესნიუსის რეპორტიორი 2020 წლიდან



epn.ge (@expressnews.ge)