საჯარო რეესტრის ეროვნული სააგენტოს ბიზნესის რეგისტრაციასთან დაკავშირებულ ელექტრონულ სერვისებს ბათუმელი და ზუგდიდელი მეწარმეები გაეცნენ. სააგენტოს წარმომადგენლებმა დაინტერესებულ პირებს ბიზნესის რეგისტრაციის პროცედურებსა და გამარტივებულ ელექტრონულ სერვისებთან დაკავშირებით დეტალური ინფორმაცია მიაწოდეს.

ელექტრონულმა სერვისებმა მომხმარებლებისთვის ბიზნესის რეგისტრაციის პროცედურები  მაქსიმალურად გაამარტივა, ხოლო დოკუმენტის უსაფრთხოებისა და ხელმისაწვდომობის ხარისხი კიდევ უფრო გაზარდა.

ბიზნესის რეგისტრაციასთან დაკავშირებული სერვისით სარგებლობა დაინტერესებულ პირებს პორტალ www.my.gov.ge   მეშვეობით, ონლაინ შეუძლიათ. ელექტრონულადვეა შესაძლებელი პორტალზე განცხადებების შეტანა სუბიექტის რეგისტრაციის, რეგისტრირებულ მონაცემებში ცვლილების, სუბიექტის რეორგანიზაციის, რეგისტრაციის გაუქმების, ამონაწერის განახლების, ინფორმაციის მიღებისა და სხვა მოთხოვნებით.  შპს-ს პარტნიორებს კი რეესტრი  უნიკალურ შესაძლებლობას აძლევს, პარტნიორთა კრებები ელექტრონულ სივრცეში მოიწვიონ, ჩაატარონ და გადაწყვეტილებები მიიღონ, ელექტრონულ დოკუმენტზე კი ხელმოწერები  ელექტრონულადვე განახორციელონ.  პორტალზე ხელმისაწვდომი მომსახურებები შინაარსის მიხედვით არის დაჯგუფებული, რაც მომხმარებელს სასურველი მომსახურების არჩევასა და მისით სარგებლობას უადვილებს.

შეხვედრის მონაწილეებს საჯარო რეესტრის თანამშრომლებმა ინტერნეტრესურსების გამოყენების შესახებ ინსტრუქციასთან ერთად, სააგენტოს მიერ შემუშავებული ნიმუშებიც გააცნეს,რომლებიც საჯარო რეესტრის ვებგვერდზეა napr.gov.ge/pol წარმოდგენილი.   შეხვედრის მონაწილეებს საინფორმაციო ბუკლეტებიც დაურიგდათ  და ყველა ის უპირატესოსობა განემარტათ, რაც ელსერვისების მოხმარებას თან ახლავს.  მომხმარებლის დროისა და ფინანსების დაზოგვასთან ერთად, ელექტრონული სერვისები  ადმინისტრაციული რესურსის ეფექტიან გამოყენებას უზრუნველყოფს,  ქაღალდის დოკუმენტებს ანაცვლებს და გარემოს უფრთხილდება.

შეხვედრის მონაწილეებს ელექტრონული სერვისების გამოყენების მიზნით საჩუქრად გადაეცათ ელექტრონული ბარათის წამკითხველი სპეციალური მოწყობილობები, რომლითაც კვალიფიციური ელექტრონული ხელმოწერის განხორციელებაა შესაძლებელი.

ბიზნესსექტორის წარმომადგენლებთან შეხვედრების ციკლი გრძელდება. მორიგ შეხვედრებს საჯარო რეესტრის ეროვნული სააგენტო როგორც დედაქალაქში, ასევე გორში, ახალციხეში, ქუთაისსა და თელავში ჩაატარებს.

საინფორმაციო კამპანია GIZ -გერმანიის საერთაშორისო თანამშრომლობის საზოგადოების მხარდაჭერით, პროექტის „საჯარო რეესტრის ეროვნული სააგენტოს მეწარმეთა და არასამეწარმეო (არაკომერციული) იურიდიული პირების რეესტრის დისტანციური (ელექტრონული) სერვისების გამოყენების ხელშეწყობა"  ფარგლებში ხორციელდება.

(NS)
 

ავტორი: ექსპრესნიუსი,

სოციალური ქსელები

შვედეთის საჰაერო ძალებმა განაცხადეს, რომ თავდასხმის შემთხვევაში, ისინი რუსეთის სიღრმეში დარტყმებს განახორციელებენ

რუსეთმა უკრაინის წინააღმდეგ სპეციალური ქობინებით აღჭურვილი დრონებით დაბომბვა დაიწყო ელექტროგადამცემი ხაზების გასანადგურებლად

საფრანგეთში, მოსწავლეებმა სკოლების ბლოკირება დაიწყეს მასწავლებლების დეფიციტისა დანგრეული ინფრასტრუქტურის გამო

ბერა ივანიშვილი მამის კონტროლირებად სასამართლოში ჩივილით ემუქრება ყველას, ვინც ქოლცენტრების მფარველობას აბრალებს