„რუსებს საზღვრების რუსეთ-საქართველოს ოფიციალურ საზღვრებამდე გადაწევა საკუთარი ხელით მოუწევთ“, - ამის შესახებ თავდაცვის მინისტრმა თინა ხიდაშელმა ჟურნალისტებს განუცხადა.

მისი თქმით, რუსების მიერ საოკუპაციო ხაზის გადმოწევის კიდევ ერთი შემთხვევა დაფიქსირდა, მაგრამ არა განსაკუთრებული.

„გუშინდელი ფაქტი იყო ძალიან მძიმე, მაგრამ რაიმე განსაკუთრებული ამაში არაა. სამწუხაროდ, ასეთი რამეები ბევრი წელია ხდება და როგორც ჩანს, კიდევ გაგრძელდება მანამ, სანამ ყველა ეს ნიშნული არ გადაიწევს რუსეთ-საქართველოს საზღვართან, იმ ოფიციალურ საზღვართან, რომლითაც ჩვენ საბჭოთა კავშირის შემდეგ ერთმანეთს დავემშვიდობეთ. ეს დღე აუცილებლად დადგება და რუსებს საკუთარი ხელით მოუწევთ ამ საზღვრების გადაწევა და მანამდე ყველანი მოთმინებით უნდა ვიყოთ. არ გვაქვს იმის ფუფუნება, რომ ემოციებს ავყვეთ. ჩვენს მეგობრებთან ერთად აქტიურად უნდა ვიმუშაოთ იმისათვის, რომ მთავარ მიზნამდე მივიდეთ. ჩვენი ქვეყნის 20 პროცენტი ოკუპირებულია და არა ის 20 მეტრი ან 2 კილომეტრი, რომელზეც გუშინ დაიწყო საუბარი. საზღვრები უნდა გადავიტანოთ რუსეთ-საქართველოს საზღვრებთან. დანარჩენი პროცესია, ამ პროცესს ვფიქრობ, საერთაშორისო მეგობრებთან ერთად წარმატებით გავივლით“, - განაცხადა თინა ხიდაშელმა.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

გამოკითხულ ამერიკელთა აბსოლუტური უმრავლესობა — 66% პირდაპირ თანაუგრძნობს და მხარს უჭერს უკრაინას რუსეთთან ომში ხოლო ამომრჩეველთა 65% უკრაინას აშშ-ის მოკავშირედ ან მეგობრად მიიჩნევს

ილონ მასკმა უკრაინული და ამერიკული ელიტები ომის გზით გამდიდრებაში დაადანაშაულა

საფრანგეთმა ახალი საპროტესტო აქციების წინ 70 000 ძალოვანის მობილიზება განახორციელა

რუსეთის თავდაცვის ინდუსტრიასთან დაკავშირებულმა კომპანიებმა წარმოების ჩინეთში გადატანა დაიწყეს