გარემოს დაცვისა და სოფლის მეურნეობის მინისტრის მოადგილე სოლომონ პავლიაშვილი კომპანია „TOYOTA CAUCASUS“  პრეზიდენტს მიცურუ კონიშის და „TOYOTA  TSUSHO CORPORATION“  წარმომადგენლებს შეხვდა.

შეხვედრაზე სოლომონ პავლიაშვილმა ქვეყნისთვის მწარმოებლის გაფართოებული ვალდებულების და შესაბამისი საკანონმდებლო ინიციატივების მნიშვნელობის შესახებ ისაუბრა და ყურადღება ნარჩენების მდგრადი მართვის პრიორიტეტულობის საკითზე გაამახვილა.

„საქართველოს „ნარჩენების მართვის კოდექსით“ განსაზღვრულია მწარმოებლის გაფართოებული ვალდებულების დანერგვა სპეციფიკური ნარჩენებისთვის, რომელიც ძალაში 2019 წლის დეკემბრიდან უნდა შევიდეს. ჩვენთვის განსაკუთრებით მნიშვნელოვანია ქვეყანაში ნარჩენების გადამუშავების პრაქტიკის დანერგვის პროცესში თქვენი ჩართულობა და გამოცდილების გაზიარება. ვფიქრობ, თანამშრომლობა ორმხრივად საინტერესო და შედეგიანი იქნება“, - განაცხადა სოლომონ პავლიაშვილმა.

შეხვედრაზე მხარეებმა ქვეყნის საინვესტიციო შესაძლებლობებიც განიხილეს. მინისტრის მოადგილის განცხადებით, საქართველო ბიზნესის წარმოების თვალსაზრისით ერთ-ერთი სტაბილური და საიმედო ქვეყანაა.

გარემოს დაცვისა და სოფლის მეურნეობის სამინისტროში გამართულ შეხვედრას  სამინისტროს შესაბამისი სამსახურის წარმომადგენლები ესწრებოდნენ.

(NS)

ავტორი: ექსპრესნიუსი,

სოციალური ქსელები

საფრანგეთში, მოსწავლეებმა სკოლების ბლოკირება დაიწყეს მასწავლებლების დეფიციტისა დანგრეული ინფრასტრუქტურის გამო

ბერა ივანიშვილი მამის კონტროლირებად სასამართლოში ჩივილით ემუქრება ყველას, ვინც ქოლცენტრების მფარველობას აბრალებს

სექსუალურ ძალადობაზე ფედერაციის და კლუბის დუმილი შემზარავია - კოალიცია "ცვლილებისთვის” პასუხისმგებელი პირების დასჯას ითხოვს

ევროკავშირმა ავიაკომპანიები საუდის არაბეთის საჰაერო სივრცეში არსებული საფრთხეების შესახებ გააფრთხილა