აჭარის ა.რ. მთავრობის თავმჯდომარე თორნიკე რიჟვაძე ბათუმში თეგეტა მოტორსის ახალი, რეგიონული ავტო სერვის ცენტრის გახსნას დაესწრო.

მთავრობის თავმჯდომარემ ღონისძიებაზე შეკრებილებს სიტყვით მიმართა და აღნიშნა, რომ  მაღალტექნოლოგიური  ცენტრი კიდევ უფრო დაეხმარება ადგილობრივი ეკონომიკის განვითარებას და ხელს შეუწყობს დასაქმებას.  „იმ სატრანზიტო პოტენციალისთვის, რაც გვაქვს და ასევე ადგილობრივი მოსახლეობის მომსახურების კუთხით მაღალტექნოლოგიური სერვის ცენტრები განსაკუთრებით მნიშვნელოვანია. აქ 200-მდე ადამიანი უკვე დასაქმდა და ეს რიცხვი კიდევ გაიზრდება," - აღნიშნა თორნიკე რიჟვაძემ.

აღნიშნული ფილიალი თეგეტა მოტორსის ყველაზე მსხვილი მომსახურების ცენტრია საქართველოში. კომპანიამ პროექტში 20 მილიონი ლარის ინვესტიცია ჩადო.  ფილიალში  მომსახურების 45 უბანია და დღეში 200-მდე ავტომობილის მიღებას შეძლებს. აქვე წარმოდგენილია საავტომობილო შოურუმები და ავტოინდუსტრიის მიმართულებით პროფესიული სასწავლო ცენტრი - თეგეტა აკადემია.

ღონისძიების ოფიციალური ცერემონიის ნაწილი იყო საავტომობილო ექსპო, რომელიც მსგავსი მასშტაბით პირველად გაიმართა არამარტო საქართველოში, არამედ მთელს კავკასიაში. აქ წარმოდგენილი იყო  მსოფლიოს წამყვანი საავტომობილო ბრენდები - Porsche, Volvo, Toyota, Mazda, Bridgestone, Michelin, Shell, Mobil და სხვა.

(NS)

ავტორი: ექსპრესნიუსი,

სოციალური ქსელები

სექსუალურ ძალადობაზე ფედერაციის და კლუბის დუმილი შემზარავია - კოალიცია "ცვლილებისთვის” პასუხისმგებელი პირების დასჯას ითხოვს

ევროკავშირმა ავიაკომპანიები საუდის არაბეთის საჰაერო სივრცეში არსებული საფრთხეების შესახებ გააფრთხილა

ისრაელის თავდაცვის მინისტრმა Flydubai-სთან დაკავშირებულ ინციდენტს „ჯიჰადისტური ტერორისტული თავდასხმის მცდელობა“ უწოდა

საქართველოს ბანკის და კომაროვის STEM სკოლაში მიღება 1 ოქტომბერს სრულდება - დარეგისტრირდი და აღმოაჩინე განათლების ახალი შესაძლებლობები