„კურიერი“ მომწონს ძალიან“, - ასე უპასუხა „რუსთავი 2“-ის მფლობელმა ქიბარ ხალვაშმა ჟურნალისტის კითხვას უყურებს თუ არა „რუსთავი 2“-ის გადაცემებს.

როგორც მან აღნიშნა არხის საინფორმაციო გამოშვების გუნდი უნდა შეეცადოს, რომ სტანდარტი უფრო აწიოს.

„ძალიან ბევრი გეგმა მაქვს, არც ერთ კვალიფიციურ ადამიანს სამსახურიდან არ გავათავისუფლებ. ვინც სარგებელს მოუტანს კომპანიას იმიტომ, რომ ყველა კვალიფიციური ადამიანის დონე განსაზღვრავს კომპანიის დონეს. ვუყურებ, კვალიფიციურია ყველაფერი. გარანტია, რა არის იცით, თუ ჩავუღრმავდებით და ვიწროდ არ განვიხილავთ არაფერს, გარანტია არის ის, რომ თუ ბიზნესია იმისთვის, რომ დიდ ხანს იყოს და პროფიტაბელური იყოს კომპანია, ამისთვის საჭირო არის ხალხი იყოს პროფესიონალი, ხალხმა უყუროს ტელევიზიას, ჰქონდეს რეიტინგი  და ადამიანმა იყიდოს რეკლამა“, - აღნიშნა ქიბარ ხალვაშმა.

მისივე თქმით, „რუსთავი 2-ში“ მაშინ მოვა, როცა ეცოდინება, რომ კამერებით არ დაახრჩობენ.

„როცა მომიწვევენ და პირობას მომცემენ, რომ არ დამახრჩობენ კამერებით, მივალ. ვიხუმრე გოგო, ვიხუმრე. დაწყნარდება ხალხი, გაიგებენ, რომ არ ვერევით სარედაქციო პოლიტიკაში“, - აღნიშნა ხალვაშმა.

ავტორი: ელენე გვიმრაძე, ექსპრესნიუსის რეპორტიორი 2018 წლიდან

სოციალური ქსელები

დეპარტამენტი: ავტობანის ლანჩხუთი-ლესას მონაკვეთი 9 ივლისამდე ჩაიკეტება

უკრაინის გენშტაბი რუსეთში დაბომბილი სტრატეგიული ობიექტების შესახებ ინფორმაციას ავრცელებს

TV Pirveli: ტერიტორია, სადაც მიწა ჩამოიშალა ჯუანშერ ბურჭულაძის ოჯახს ეკუთვნის

საქართველოს ბანკის 29-ე თანამედროვე ბიბლიოთეკა სოფელ ჭვანის საჯარო სკოლაში გაიხსნა