ვაშლიჯვარის ასახვევში გამოძახებულ სასწრაფოს ექიმებს 20 წლის პაციენტი დნით დაესხა თავს.

როგორც „ექსპერსნიუსს“ სასწრაფო დახმარების ცენტრის პრეს-სამსახურის ხელმძღვანელმა ნათია გედენიძემ განუცხადა, ინციდენტს მოგვიანებით პაციენტის მამაც შეუერთდა. ექიმებმა მოასწრეს მანქანაში შესვლა და კარების ჩაკეტვა, რის შემდეგაც თავდამსხმელებმა სასწრაფო დახმარების მანქანას ორი საბურავი დაუჭრეს.

„პაციენტი, რომელიც ოპერაციის შემდეგ გულ-მკერდის არეში ტკივილს უჩიოდა, მისულ ბრიგადას სადარბაზოში დახვდა და იმ კლინიკაში გადაყვანა მოსთხოვა, რომელშიც ოპერაცია გაუკეთეს. შემდეგ კი, სანამ ექიმები მის მოთხოვნას შეასრულებდნენ, დანა ამოიღო და პროცესის დასაჩქარებლად ექიმებზე თავდასხმა სცადა.“ - განაცხადა ნათია გედენიძემ.

ექიმების მიერ გამოძახებულმა პატრულმა თავდამსხმელები დააკავა. პაციენტი  გადაყვანილ იქნა კლინიკაში. მომხდარზე გამოძიება სისხლის სამართლის კოდექსის 187-ე მუხლით დაიწყო, რაც ნივთის დაზიანებას ან განადგურებას გულისხმობს.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

ლევან მახაშვილი -ბრიუსელის ბიუროკრატია დინების წინააღმდეგ ცურავს

თორნიკე ფაღავა: საქართველოს აქვს თავისი დამოუკიდებელი, მშვიდობიანი, სუვერენული, ევროინტეგრაციის გზა და სტრატეგიული ხედვა

ლაშა ფარულავა – საპროცესო შეთანხმება არის ერთადერთი გზა, ჩვენმა თანამებრძოლებმა პოლიტიკურ ტყვეობას დააღწიონ თავი, ამიტომ არაფერი დასაძრახი არ არის

გიგა ფარულავა – ციხეში რჩებიან მოქალაქეები, რომლებიც ლიდერებმა 4 ოქტომბერს შეცდომაში შეიყვანეს, კეთილი ინებონ და აუხსნან, როგორ აპირებენ მათ დახმარებას