საქართველოს თავდაცვის მინისტრის მოადგილე ოფიციალური ვიზიტით ბრიუსელში იმყოფება.

ამის შესახებ „ექსპრესნიუსს“ თავდაცვის სამინისტროდან აცნობეს.

უწყების ინფორმაციით, ბესიკ ლოლაძე ნატო-საქართველოს პროფესიული განვითარების პროგრამის სამეთვალყურეო საბჭოს კომიტეტის სხდომაზე სიტყვით გამოვიდა.

მინისტრის მოადგილემ თავდაცვის სამინისტროში მიმდინარე რეფორმებზე, ნატო-საქართველოს არსებითი პაკეტის ეფექტიან განხორციელებასა და სამომავლო გეგმებზე ისაუბრა. გამოსვლისას მან თავდაცვის ინსტიტუციური განვითარების სკოლის ჩამოყალიბებასა და განვითარებაზე გაამახვილა ყურადღება. როგორც ბესიკ ლოლაძემ აღნიშნა, ეროვნული თავდაცვის აკადემიის პროფესიული განვითარების ცენტრის ბაზაზე შექმნილ სკოლას უსაფრთხოების სექტორის განვითარების კუთხით მნიშვნელოვანი როლი ექნება როგორც ეროვნულ, ასევე, რეგიონულ და საერთაშორისო დონეზე.

თავდაცვის მინისტრის მოადგილემ ადამიანური რესურსების მართვის სისტემის განვითარების, კეთილსინდისიერების ამაღლების, გენდერის პოლიტიკის ინსტიტუციონალიზაციისა და სტრატეგიული კომუნიკაციის განვითარების საკითხებიც მიმოიხილა.

ნატოს შტაბ-ბინაში ბესიკ ლოლაძემ ორმხრივი შეხვედრები გამართა ნატოში გერმანიის მისიის ხელმძღვანელის მოადგილესთან, დოქტორ ულრიხ სანტესთან. მან გერმანულ მხარეს ნაყოფიერი თანამშრომლობისთვის მადლობა გადაუხადა. მინისტრის მოადგილემ ხაზგასმით აღნიშნა თავდაცვის ინსტიტუციური განვითარების სკოლის მნიშვნელობა და გერმანიის წვლილი. ბესიკ ლოლაძე ნატოს საერთაშორისო სამსახურის ინტეგრაციისა და თანამშრომლობის განყოფილების უფროსს დოქტორ ალბერტო ბინსაც შეხვდა. შეხვედრის მთავარი თემა თავდაცვის სამინისტროსთვის კეთილსინდისიერების ამაღლებისა და ანტიკორუფციული პოლიტიკის მნიშვნელობა იყო. მხარეებმა ამ მიმართულებით თანამშრომლობის გაღრმავების სურვილი გამოთქვეს.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

მეუფე საბა - მეუფე შიოს 50% +1 ხმა უკვე აქვს, თუმცა, ეს იმას არ ნიშნავს, რომ გაფართოებული კრების ჩატარებას მნიშვნელობა არ აქვს

მიტროპოლიტმა ისაიამ სინოდის სხდომაზე პატრიარქობის კანდიდატად საკუთარი თავის დასახელების სურვილი გამოთქვა, თუმცა სინოდმა მხარი არ დაუჭირა

მარნეულში 10 წლის ბავშვს მანქანა დაეჯახა, იგი გარდაიცვალა, კლინიკასთან დაძაბულეობა იყო

ლევან სუთიძე - მეუფე შიომ მხარდაჭერა უკვე კამპანიის დროს მოიპოვა