გარემოსა და ბუნებრივი რესურსების დაცვის მინისტრი გიგლა აგულაშვილი ოფიციალური ვიზიტით ბელარუსის დედაქალაქ მინსკში იმყოფება, სადაც აღმოსავლეთ პარტნიორობის  ფარგლებში, გარემოს დაცვის მინისტრების შეხვედრა გაიმართა. 

სამინისტროს ინფორმაციით, მინისტრიალზე  გარემოსდაცვით  საკითხებთან ერთად, ვროკავშირის მიერ სამეზობლო პოლიტიკის გადახედვის საკითხებზე იმსჯელეს.

ვიზიტის ფარგლებში გიგლა აგულაშვილი  გარემოს დაცვის საკითხებში ევროკომისარს კარმენუ ველას და ევროკავშირის სამეზობლო პოლიტიკისა და გაფართოების მოლაპარაკებების საკითხებში ევროკომისარ იოჰანის ჰანსს შეხვდა, სადაც  საქართველოსა და ევროკავშორის ურთიერთობებზე და ამ ეტაპზე არსებულ გამოწვევებზე ისაუბრეს.

აღმოსავლეთ ევროპის პარტნიორობის ქვეყნების წარმომადგენლებმა გარემოს დაცვის მიმართულებით მდგრადი განვითარების სტრატეგიაზე,  აღმოსავლეთ პარტნიორობის ფარგლებში გარემოსდავითი ვალდებულებების შესრულების საკითხებსა და მწვანე ეკონომიკის შესახებ იმსჯელეს.  ასევე, გარემოს დაცვის მიმართულებით ევროკავშირთან თანამშრომლობის საკითხები განიხილეს.

„ჩვენ შევთანხმდით, რომ გარემოსთან დაკაშირებული საკითხები არის გლობალური და ეხება მსოფლიოს ყველა ქვეყანას. განვიხილეთ ისეთი საკითხები, როგორიცაა ჰაერისა და წყლის დაბინძურება, მყარი ნარჩენების უტილიზაცია. სტატისტიკურად მსოფლიოში წელიწადში  7 მილიონი ადამიანი გარემოს დაბინძურებისგან კვდება, განსაკუთრებით ჰაერის დაბინძურებისგან. ეს იყო პირველი შეხვდრა აღმოსავლეთ ქვეყნების მინისტრებთან რაც ძალიან მნიშვნელოვანია. მომავალში გაფართოებული შეხვედრა იგეგმება რომელსაც ევროპის 28 ქვეყნის მინისტრი დაესწრება“, - განაცხადა ევროკომისარმა გარემოს დაცვის საკითხებში კარმენუ ველამ.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

გამოკითხულ ამერიკელთა აბსოლუტური უმრავლესობა — 66% პირდაპირ თანაუგრძნობს და მხარს უჭერს უკრაინას რუსეთთან ომში ხოლო ამომრჩეველთა 65% უკრაინას აშშ-ის მოკავშირედ ან მეგობრად მიიჩნევს

ილონ მასკმა უკრაინული და ამერიკული ელიტები ომის გზით გამდიდრებაში დაადანაშაულა

საფრანგეთმა ახალი საპროტესტო აქციების წინ 70 000 ძალოვანის მობილიზება განახორციელა

რუსეთის თავდაცვის ინდუსტრიასთან დაკავშირებულმა კომპანიებმა წარმოების ჩინეთში გადატანა დაიწყეს