შინაგან საქმეთა მინისტრის მოადგილე არჩილ თალაკვაძე სირიაში საქართველოს კიდევ ერთი მოქალაქის დაღუპვის ფაქტს გამოეხმაურა. როგორც თალაკვაძემს თემის კომენიტრებისას ჟურნალისტებს განუცხადა,  ტერორიზმთან ბრძოლა გლობალური გამოწვევაა.  მისივე განმარტებით,  შსს საერთაშორისო ამ კუთხით  პარტნიორებთან აქტიურად თანამშრომლობს.
"ტერორიზმთან ბრძოლა გლობალური გამოწვევაა. ჩვენ აქტიური მიმოცვლა გვაქვს ინფორმაციის და თანამშრომლობა ჩვენს საერთაშორისო პარტნიორებთან. ჩვენ არაერთი მიმართულებით ვმოქმედებთ და ეს არის კანონმდებლობის ადაპტირება ახალ რეალობაზე, ეს არის ჩვენი თანამშრომლების გადამზადება და რაც მთავარია, ეს არის რადიკალიზაციის წინააღმდეგ მიმართული სხვა პროგრამები - სოციალური, სპორტული პროგრამები, იმ ტერიტორიებზე, სადაც არსებობს რადიკალიზაციის საფრთხე და ამ შემთხვევაში ხეობაში. დარწმუნებული ვარ, რომ საქართველო ამ შემთხვევაში დგას იმ ხაზზე, სადაც დანარჩენი მთავრობები, თუნდაც ევროპაში და მოქმედებს იმ მეთოდებით, როგორც ჩვენი პარტნიორები ევროკავშირის სივრცეში. ტერორიზმთან ბრძოლა გლობალური გამოწვევაა,“ - განაცხადა არჩილ თალაკვაძემ. 
ცნობისთვის, სირიაში საქართველოს კიდევ ერთი მოქალაქე 23 წლის თურფალ ბორჩაშვილის მოკლეს. ბორჩაშვილი სოფელ ძიბახევიდან იყო. სოფელში უკვე დაადასტურეს მისი გარდაცვალების ცნობა.
ადგილობრივების ინფორმაციით, ახალგაზრდა თურქეთში სამუშაოდ იყო წასული. თანასოფლელებს უჭირთ თქმა, თუ როდის გადაკვეთა ბორჩაშვილმა სირიის საზღვარი.
თურფალ ბორჩაშვილი საქართველოს მე-14 მოქალაქეა, რომელიც ე.წ "ისლამური სახელმწიფოს" მხარეს ბრძოლის დროს  გარდაიცვალა.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

მეუფე საბა - მეუფე შიოს 50% +1 ხმა უკვე აქვს, თუმცა, ეს იმას არ ნიშნავს, რომ გაფართოებული კრების ჩატარებას მნიშვნელობა არ აქვს

მიტროპოლიტმა ისაიამ სინოდის სხდომაზე პატრიარქობის კანდიდატად საკუთარი თავის დასახელების სურვილი გამოთქვა, თუმცა სინოდმა მხარი არ დაუჭირა

მარნეულში 10 წლის ბავშვს მანქანა დაეჯახა, იგი გარდაიცვალა, კლინიკასთან დაძაბულეობა იყო

ლევან სუთიძე - მეუფე შიომ მხარდაჭერა უკვე კამპანიის დროს მოიპოვა