ვიცე-პრემიერის, ეკონომიკისა და მდგრადი  განვითარების მინისტრის  გიორგი კვირიკაშვილის განცხადებით, ეროვნული  ბანკიდან ზედამხედველობის ფუნქციის გამოყოფასთან დაკავშირებით მას რამდენიმე შენიშვნა აქვს.

მისი თქმით, მნიშვნელოვანია, რომ  პირველი ვერსიის  შემდეგ კანონში ბევრი ცვლილება შევიდა.

„ყველა საერთაშორისო ორგანიზაციასთან  ძალიან მჭიდროდ  ვართ ჩართული დიალოგში. მათი რეკომენდაციები მოსმენილი  და მიღებული იქნება. მნიშვნელოვანია, რომ პირველი ვერსიის შემდეგ ბევრი რამ შეიცვალა კანონში. განსაკუთრებით მნიშვნელოვანია, რომ იმ ინსტიტუტის, რომლის გამოყოფაზეც არ არის საუბარი, არამედ უფრო უფრო მეტი დამოუკიდებლობა იგულისხმება ამ კანონპროექტით. პირველი, გათვალისწინებული იყოს მისი მაქსიმალური დამოუკიდებლობა და მეორე პროფესიონალიზმის სტანდარტი, რომელიც  იქ მომუშავე ადამიანებს უნდა ჰქონდეთ. მათ შორის ბორდის წევრებს. ამ კუთხით ბევრი ნაბიჯი გადაიდგა, ბევრი შესწორება შევიდა. პირველი მოსმენა არ ნიშნავს საბოლოო ვარიანტს.   პირადად მე გამაჩნია რამდენიმე შენიშვნა, რომელსაც კანონპროექტის ავტორებს აუცილებლად გავუზიარებ. შევხვდები მათ და ვეცდები, რომ ეს პრინციპები მაქსიმალურად გათვალისწინებული იქნას. ასეთივეა პრემიერ-მინისტრის დამოკიდებულება აღნიშნულ საკითხთან დაკავშირებით.  მნისვნელოვანია, რომ  მაქსიმალურად რამდენადაც შესაძლებელია მიღწეულ იქნას კონსენსუსი, რომ არ დაირღვას ამ სააგენტოს პოლიტიკური დამოუკიდებლობა და პროფესიონალიზმის პრინციპები“,-განაცხადა კვირიკაშვილმა. 

 როგორც კვირიკაშვილმა აღნიშნა, ამ კანონპროექტით რაიმე პრინციპის დარღვევა არ ხდება.

 „მაგალითად,  როგორიც არის ბორდის წევრების გათავისუფლების საკითხი ამაზე სამუშაო რეჟიმში ჩვენ აუცილებლად შევჯერდებით და იმედი გვაქვს, რომ მიღწეული იქნება ისეთი კომპრომისული ვარიანტი, რომელიც მაქსიმალურად მისაღები იქნება თუნდაც საერთაშორისო საზოგადოებისთვის“,-განაცხადა კვირიკაშვილმა.

ამასთან, პრეზიდენტის მიერ აღნიშნულ კანონპროექტზე ვეტოს დადების საკითხის კომენტირებისას  კვირიკაშვილმა განაცხადა, რომ „ეს სამწუხარო იქნება“.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

გამოკითხულ ამერიკელთა აბსოლუტური უმრავლესობა — 66% პირდაპირ თანაუგრძნობს და მხარს უჭერს უკრაინას რუსეთთან ომში ხოლო ამომრჩეველთა 65% უკრაინას აშშ-ის მოკავშირედ ან მეგობრად მიიჩნევს

ილონ მასკმა უკრაინული და ამერიკული ელიტები ომის გზით გამდიდრებაში დაადანაშაულა

საფრანგეთმა ახალი საპროტესტო აქციების წინ 70 000 ძალოვანის მობილიზება განახორციელა

რუსეთის თავდაცვის ინდუსტრიასთან დაკავშირებულმა კომპანიებმა წარმოების ჩინეთში გადატანა დაიწყეს