„პატრიოტთა ალიანსის“ გენერალური მდივანი ირმა ინაშვილი აშშ-ს სახელმწიფო დეპარტამენტის დასკვნას ეხმაურება.

ინაშვილი მიიჩნევს, რომ ეს დასკვნა საგარეო საქმეთა სამინისტროს უმოქმედობის შედეგია, მინისტრი თამარ ბერუჩაშვილი უნდა გადადგეს, და ამერიკიდან საქართველოს ელჩი არჩილ გეგეშიძე უნდა გამოიწვიონ.

„სახელმწიფო დეპარტამენტის დასკვნა ესაა საგარეო საქმეთა სამინისტროს უმოქმედობის, ან წინა რეჟიმის სასარგებლო ქმედებების შედეგი. მინისტრი ბერუჩაშვილი უნდა გადადგეს. ასევე, ამერიკიდან უნდა გამოწვიონ საქართველოს ელჩი! ეს მინიმუმია, რაც ხელისუფლებამ უნდა გააკეთოს“, - აცხადებს ირმა ინაშვილი.

ცნობისთვის, აშშ-ს სახელმწიფო დეპარტამენტმა დასკვნა გამოაქვეყნა, სადაც საქართველოში მიმდინარე მოვლენებია შეფასებული. დოკუმენტის თანახმად, აფხაზეთისა და ე.წ. სამხრეთ ოსეთის დე ფაქტო მთავრობები ცენტრალური მთავრობის კონტროლის მიღმა რჩებიან და მათ მხარს რუსი სამხედროები უჭერენ. დეპარტამენტმა შსს-ს და პროკურატურის საქმიანობაც შეაფასა. დოკუმენტში ნათქვამია, რომ შინაგან საქმეთა სამინისტროს გენერალურმა ინსპექციამ პოლიციელბის წინააღმდეგ 2013 წელთან შედარებით, 2014 წელს გაცილებით მეტი დისციპლინური ღონისძიება გაატარა. აქვე, დეპარტამენტის განცხადებით, გენერალურმა პროკურატურამ უნდა გამოიძიოს პოლიციის მიერ ძალაუფლების ბოროტად გამოყენება, როდესაც დაკავებისას რამდენიმე ეჭვმიტანილმა სხეულის დაზიანება მიიღო. დეპარტამენტის დასკვნაში ნახსენებია, რომ საქართველოში ოჯახური და ქალთა წინააღმდეგ სხვა სახის ძალადობა კვლავაც მნიშვნელოვან პრობლემად რჩება.სიტყვისა და პრესის თავისუფლება, კი, ძირითადად, დაცულია და მოქალაქეებს უფლება აქვთ მთავრობა გააკრიტიკონ

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

გამოკითხულ ამერიკელთა აბსოლუტური უმრავლესობა — 66% პირდაპირ თანაუგრძნობს და მხარს უჭერს უკრაინას რუსეთთან ომში ხოლო ამომრჩეველთა 65% უკრაინას აშშ-ის მოკავშირედ ან მეგობრად მიიჩნევს

ილონ მასკმა უკრაინული და ამერიკული ელიტები ომის გზით გამდიდრებაში დაადანაშაულა

საფრანგეთმა ახალი საპროტესტო აქციების წინ 70 000 ძალოვანის მობილიზება განახორციელა

რუსეთის თავდაცვის ინდუსტრიასთან დაკავშირებულმა კომპანიებმა წარმოების ჩინეთში გადატანა დაიწყეს