„ყ.... დაიკიდე, ამათ მივხედოთ მერე“ - პარლამენტის თავმჯდომარე, სავარაუდოდ, უხამს ლექსიკას იყენებს [ვიდეო]

2019-04-18 15:49:21, 2336 ნახვა

საზოგადოება

პარლამენტის პლენარული სხდომის პირდაპირი ტრანსლაციისას 12 საათსა და 13 წუთზე საკანონმდებლო ორგანოს თავმჯდომარის, ირაკლი კობახიძის სავარაუდო უხამსი ლექსიკა ისმის.

იურიდიულ საკითხთა კომიეტის თავმჯდომარე ანრი ოხანაშვილი, რომელიც დეპუტატებს მოსამართლეების შერჩევის საკითხთან დაკავშირებით, უმრავლესობის მიერ მომზადებულ კანონპროექტს აცნობდა, კობახიძეს ხმაურის გამო სხდომის შეწყვეტას სთხოვს და მათ შორის ასეთი დიალოგი იმართება:

ანრი ოხანაშვილი:
- ორის თხუთმეტ წუთზე შევიკრიბოთ, ჯობია..
ირაკლი კობახიძე:
- ყ..ზე დაიკიდე, ჩვეულებრივად გააგრძელე და ამათ მივხედოთ მერე!
ანრი ოხანაშვილი:
- კი, მაგრამ აზრი არ აქვს ამ ხმაურში...
ირაკლი კობახიძე:
- აბა, რა გავაკეთოთ?
ანრი ოხანაშვილი:
- ერთი საათი მიეცი დრო, ორი წუთი გავიდეთ გარეთ და დავილაპარაკოთ...

ამ დიალოგის მომენტში მთავარი მიკროფონები გათიშული იყო, თუმცა ერთ-ერთი მიკროფონიდან, რომელიც დარბაზში არ გამოურთავთ პირდაპირი ტრანსლაციის სიგნალზე ირაკლი კობახიძის ხმა გაიპარა.