საგარეო - ანსამბლ „გორდას“ წევრების ნაწილი საქართველოში დღეს დაბრუნდება

2019-04-15 18:39:27, 1464 ნახვა

საზოგადოება

საგარეო საქმეთა სამინისტროს ინფორმაციით, ისრაელეში ანსამბლ „გორდას“ წევრების ნაწილი საქართველოში დღეს დაბრუნდება.

უწყების განმარტებით, საქართველოს კონსულს ისრაელში, ისრაელის საიმიგრაციო სამსახურის წარმომადგენლებთან ჰქონდა შეხვედრა.

„ისრაელში საქართველოს კონსულს მოქალაქეებთან, ბავშვებთან, ისრაელის საიმიგრაციო სამსახურის წარმომადგენლებთან შეხვედრა ჰქონდა. მიღებულ იქნა გადაწყვეტილება, ბავშვებისა და ორი მშობლის დღეს საქართველოში დაბრუნებასთან დაკავშირებით. მათი ბილეთები შეძენილ იქნა ისრაელური მხარის მიერ. ჩვენი თხოვნით ჩართული იყო საქართველოს ავიახაზები. დღეს აირზენას რეისით 21:30 სთ-ზე გამოფრინდებიან საქართველოში. ოჯახის წევრები ინფორმირებული არიან“, - ნათქვამია განცხადებაში.

14 აპრილს ისრაელის საზღვრის დაცვის სამსახურიდან საქართველოს საკონსულში შევიდა ინფორმაცია საზღვარზე შემოწმების მიზნით ანსამბლ "გორდა"-ს 17-კაციანი ჯგუფის შეფერხების თაობაზე. როგორც უწყებაში აღნიშნავენ, მესაზღვრეებისათვის საეჭვო გახდა ის გარემოება, რომ ანსამბლი ისრაელში მიდიოდა საბავშვო ფესტივალზე მონაწილეობის მიზნით და ანსამბლის 17 წევრიდან მხოლოდ 5 იყო ბავშვი, დანარჩენი კი 25 წლის ზემოთ პირები. შესაბამისად მათ უარი ეთქვათ ისრაელში შესვლაზე.

Patreon P მხარი დაუჭირე "ექსპრესნიუსს" →

ავტორი: ელენე გვიმრაძე, ექსპრესნიუსის რეპორტიორი 2018 წლიდან