ადამიანის უფლებათა ევროპული სასამართლოს გადაწყვეტილებით, რუსეთის ფედერაციას ოპოზიციონერი ალექსეი ნავალნისთვის დაახლოებით 23 000 ევროს გადახდა დაეკისრა.

ამის შესახებ ალექსეი ნავალნი საკუთარი ფეისბუქის გვერდზე წერს:

„ახლახანს ევროპულმა სასამართლომ დაადგინა, რომ ის შინაპატიმრობა, რომელშიც 2014 წელს ვიმყოფებოდი, უკანონო იყო. დაირღვა ადამიანის უფლებების კონვენციის შემდეგი პუნქტები: მე-5 (თავისუფლების უკანონო აღკვეთა), მე-10 (აზრის გამოხატვის თავისუფლება), მე-18 (პოლიტიკური მოტივი). ვულოცავ ჩვენი იურისტების ჯგუფს და ყველა სამართლიან ადამიანს, ვინც მხარს გვიჭერდა. დარწმუნებული ვარ, რომ ეს გადაწყვეტილება მნიშვნელოვან გავლენას მოახდენს ყველა იმ ადამიანზე რუსეთში, რომლებიც ასეთი უსამართლობის მსხვერპლნი არიან“, - წერს ნავალნი.

გადაწყვეტილება ადამიანის უფლებათა სასამართლოს გვერდზეც გამოქვეყნდა. გადაწყვეტილებაში ნათქვამია, რომ რუსიოპოზიციონერი 20 ათას ევროს მორალური ზიანის ანაზღაურების სახით, კიდევ 2,7 ათას ევროს კი, სასამართლო ხარჯების დასაფარად მიიღებს. აღსანიშნავია, რომ ალექსეი ნავალნი კომპენსაციის სახით 100 ათას ევროს ითხოვდა. როგორც სასამართლოს გადაწყვეტილებაშია ნათქვამი, ნავალნის დევნა მისი პოლიტიკური აქტივობებით იყო განპირობებული და შინაპატიმრობაში მას საზოგადოებრივი აქტივობის შეზღუდვის მიზნით ამყოფებდნენ.

ავტორი: ექსპრესნიუსი,

სოციალური ქსელები

FT-ის გამოკითხვა: ამერიკელების თითქმის 70% შეშფოთებულია ტრამპის ადმინისტრაციაში კორუფციით

ცოლის მკვლელობაში ეჭვმიტანილი - ვინც მიცნობთ, ჩემს ბავშვებს აწყენინებს, იცოდეთ, იმ ქვეყნიდან მოვბრუნდები და დედებს მოგ**ნავთ ყველას

სახალხო დამცველის აპარატი: გიორგი ფეიქრიშვილს უსაფრთხოებასთან დაკავშირებით პრეტენზიები არ აქვს

არეულობები ბარსელონაში - 128 ადამიანი დააკავეს, ათობით მაღაზია დაზიანდა