რუსეთის საგარეო საქმეთა მინისტრის მოადგილის გრიგორი კარასინის განცხადებით, რუსეთი მზადაა, საქართველოს სტიქიის შედეგების ლიკვიდაციაში დაეხმაროს.

ამის შესახებ ინფორმაციას РИА Новости-ი ავრცელებს. კარასინის თქმით, აღნიშნულ საკითხთან დაკავშირებით ის საქართველოს პრემიერ-მინისტრის სპეციალურ წარმომადგენელს რუსეთთან ურთიერთობის საკითხებში, ზურაბ აბაშიძეს ესაუბრა.

„ამ დღეებში ვესაუბრე ზურაბ აბაშიძეს და ვთხოვე გადაეცა ქართული მხარისთვის ჩვენი მწუხარება მომხდარ სტიქიათან დაკავშირებით. ვუთხარი, რომ რუსეთის საგანგებო სიტუაციების სამინისტრო თბილისში კოლეგებთან კონტაქტზეა და ქართულ მხარეს დახმარებას სთავაზობს. არ ვიცი პრაქტიკული ფორმები ერთობლივი ქმედებებისა, თუმცა საჭიროების შემთხვევაში, მზად ვიქნებით. ჩვენ მეზობელი ქვეყნები ვართ, კარგად გვესმის ერთმანეთის, ამიტომ საგანგებო ვითარებაში ყოველთვის მზად ვართ დასახმარებლად“, - განაცხადა გრიგორი კარასინმა.

ცნობისთვის, რამდენიმე დღის წინ რუსეთის საგანგებო სიტუაციების მინისტრმა ვლადიმერ პუჩკოვმა შინაგან საქმეთა სამინისტროში ოფიციალური შეტყობინება გამოაგზავნა, სადაც თანაგრძნობა გამოხატა სტიქიის შედეგად გარდაცვლილებთან დაკავშირებით და ქართულ მხარეს სტიქიის შედეგების ლიკვიდაციაში დახმარება შესთავაზა.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

გამოკითხულ ამერიკელთა აბსოლუტური უმრავლესობა — 66% პირდაპირ თანაუგრძნობს და მხარს უჭერს უკრაინას რუსეთთან ომში ხოლო ამომრჩეველთა 65% უკრაინას აშშ-ის მოკავშირედ ან მეგობრად მიიჩნევს

ილონ მასკმა უკრაინული და ამერიკული ელიტები ომის გზით გამდიდრებაში დაადანაშაულა

საფრანგეთმა ახალი საპროტესტო აქციების წინ 70 000 ძალოვანის მობილიზება განახორციელა

რუსეთის თავდაცვის ინდუსტრიასთან დაკავშირებულმა კომპანიებმა წარმოების ჩინეთში გადატანა დაიწყეს