ირაკლი ჩიქოვანი ე.წ. კაბელების საქმეზე პროკურატურის გადაწყვეტილებას მათი იმიჯის შენარჩუნების მცდელობად აფასებს

2015-06-19 11:58:15, 1385 ნახვა

სამართალი კომენტარი

ფრაქცია „თავისუფალი დემოკრატების“ თავმჯდომარის ირაკლი ჩიქოვანის განცხადებით, პროკურატურის გადაწყვეტილება ე.წ. კაბელების საქმეზე დაკავებულებისთვის პატიმრობის გაუქმების თაობაზე გარდაუვალი იყო.

ვინაიდან, როგორც ჩიქოვანმა ჟურნალისტებს განუცხადა, ამ საქმის მიმდინარეობის პროცესში პროკურატურამ ბევრი შეცდომა დაუშვა, რაც საზოგადოებამ უარყოფითად მიიღო.

მისივე შეფასებით, ამ გადაწყვეტილებით პროკურატურა ახლა იმიჯის შენარჩუნებას ცდილობს.

„ეს გადაწყვეტილება გარდაუვალი იყო. ჩვენ კარგად ვიცოდით, რომ პროკურატურას არ გააჩნდა აბსოლუტურად არანაირი სამხილი და მტკიცებულება იმასთან დაკავშირებით, რომ ეს მაღალჩინოსნები დამნაშავეები არიან. ეს გადაწყვეტილება დაკავშირებულია იმასთან, რომ პროკურატურამ ძიების პერიოდში ძალიან ბევრი შეცდომა დაუშვა, რომელიც საზოგადოების მხრიდან ძალიან ნეგატიურად იქნა მიღებული. ისინი გარკვეულწილად ცდილობენ პროკურატურის იმიჯის შენარჩუჯებას, თუმცა მთავარია ის რომ ბიჭები იქნებიან თავისუფლებაზე“,-განაცხადა ირაკლი ჩიქოვანმა.

Patreon P მხარი დაუჭირე "ექსპრესნიუსს" →

ავტორი: ირაკლი მანაგაძე , ექსპრესნიუსის რეპორტიორი 2009 წლიდან