ფრაქცია „ქართულ ოცნებას“ დეპუტატი გედევან ფოფხაძეც ტოვებს.

ამის შესახებ ფრაქციის თავმჯდომარე მამუკა მდინარაძემ ჟურნალისტებს განუცხადა.

მისი ინფორმაციით, ფოფხაძემ იმავე განცხადებით პარტიასაც მიმართა.

„თქვენ იცით, რომ რამდენიმე წევრმა თავად დატოვა ჩვენი პარტია. მე, პირადად, როგორც ფრაქციის ხელმძღვანელს, განცხადებით მომმართა ფრაქციის დატოვების შესახებ გედევან ფოფხაძემ და როგორც ვიცი, მან პარტიასაც მიმართა ასეთი განცხადებით. მათ მიიღეს ასეთი გადწყვეტილება სამწუხაროდ, იმ მიზეზის გამო, რომ მმართველმა გუნდმა არ მისცა ხმა არაკონსტიტუციურ კანონს. იმის იქით რაც არ უნდა ლეგიტიმური მიზნების იყოს, რაც არ უნდა ემოციებზე და პიარზე გათვლილი კამპანია იყოს დაგეგმილი, ჩემი აზრით ეს არის პოლიტიკური შეცდომა“, - განაცხადა მამუკა მდინარაძემ.

შეგახსენებთ, 21 თებერვალს მმართველი გუნდი დეპუტატმა ლევან გოგიჩაიშვილმა დატოვა, ხოლო გუშინ პარტიის დატოვების შესახებ ეკა ბესელიამ და ბექა ნაცვლიშვილმა განაცხადეს. ბესელიასა და გოგიჩაშვილის მიერ გუნდის დატოვება მოსამართლეთა უვადოდ დანიშვნის შეჩერების თაობაზე მომზადებული კანონპროექტის ჩაგდებას უკავშირდება, ბექა ნაცვლიშვილმა კი, გუნდი მას შემდეგ დატოვა, რაც საპენსიო სისტემაში ცვლილებების თაობაზე, მის ინიციატივას მხარი არ დაუჭირეს. დეპუტატების წასვლის შედეგად, მმართველმა გუნდმა საკონსტიტუციო უმრავლესობა დაკარგა. 

ავტორი: ,

სოციალური ქსელები

Financial Times: ტრამპისა და რუსეთს შორის დიზელის თაობაზე დადებული შეთანხმება საფრთხეშია

რეკორდული წარმომადგენლობა - აშშ-ის კონგრესა და სენატში შვიდი მუსლიმი აირჩიეს

ბრეიზა სანქციებს ითხოვს - კობახიძე ბრიუსელში ვიზიტს პროპაგანდისთვის იყენებს

პაველ ჰერჩინსკი - ნუ დაკარგავთ იმედს, საქართველოს მომავალი ქართველი ხალხის ხელშია