საქართველოს ყოფილი პრემიერ–მინისტრი ბიძინა ივანიშივლი მიიჩნევს, რომ სტიქიის დროს და შემდეგ პერიოდში მთავრობას სერიოზული შეცდომები არ დაუშვია.

როგორც ივანიშვილმა თემის კომენტირებისას ჟურნალისტებს განუცხადა, შეცდომის გარეშე საქმის კეთება არ არსებობს, თუმცა, ხელისუფლებამ ყველაფერი იღონა იმისათვის, რომ მცირე დანაკარგი ყოფილიყო.

ბიძინა ივანიშვილი მიიჩნევს, რომ  თბილისში მომხდარი სტიქიის შედეგად განვითარებული მოვლენების გამო, მთავრობის რომელიმე წევრის პასუხისმგებლობის საკითხი უნდა დადგეს.

„ვფიქრობ, რომ ძალიან ადეკვატურად და კარგად მოიქცა მთავრობა. პირადად პრემიერი და მთელი მთავრობა მობილიზებული იყო. საზოგაოდებამ საოცარი კონსოლიდაცია გამოამჟღავნა, ძირითადად ახალგაზრდებმა. ხელისუფლება თავის გასაკეთებელს მაქსიმალურად ცდილობდა. რამდენად გამოუვიდა, შეიძლება შეფასებები გაკეთდეს. თქვენს ენთუზიაზმს, იმ მიმართულებით, რომ ვიღაცეები უნდა დავიჭიროთ მთავრობიდან, არ ვიზიარებ, პირიქით ვფიქრობ, ყველაფერი კარგად ხდებოდა, ხელისუფლება მაქსიმალურს აკეთებდა, მობილიზებული იყო. არ არსებობს საქმის კეთება პატარა შეცდომის გარეშე, მაგრამ ჩემი აზრით სერიოზული შეცდომა არ იყო, იდეალური კი არაფერი არსებობს“,– აღნიშნა ივანიშვილმა.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

გამოკითხულ ამერიკელთა აბსოლუტური უმრავლესობა — 66% პირდაპირ თანაუგრძნობს და მხარს უჭერს უკრაინას რუსეთთან ომში ხოლო ამომრჩეველთა 65% უკრაინას აშშ-ის მოკავშირედ ან მეგობრად მიიჩნევს

ილონ მასკმა უკრაინული და ამერიკული ელიტები ომის გზით გამდიდრებაში დაადანაშაულა

საფრანგეთმა ახალი საპროტესტო აქციების წინ 70 000 ძალოვანის მობილიზება განახორციელა

რუსეთის თავდაცვის ინდუსტრიასთან დაკავშირებულმა კომპანიებმა წარმოების ჩინეთში გადატანა დაიწყეს