2019-02-15 15:46:22, 929 ნახვა

---

მდინარაძე: კ2 კოეფიციენტის გაზრდის აკრძალვა პოზიტიური გადაწყვეტილებაა დედაქალაქის სასურველი იერსახის ჩამოყალიბებისათვის

თბილისში კ2 კოეფიციენტის გაზრდის აკრძალვა უდავოდ პოზიტიური გადაწყვეტილებაა დედაქალაქის სასურველი იერსახის ჩამოყალიბებისათვის“, - ამის შესახებ ფრაქცია „ქართული ოცნება - დემოკრატიული საქართველოს“ თავმჯდმარემ, მამუკა მდინარაძემ განაცხადა.

როგორც მან აღნიშნა, ეს გადაწყვეტილება უდავოდ დროულია, ვინაიდან იგი სწორ და ერთგვაროვან განაშენიანებას შეუწყობს ხელს.

 „წინა ხელისუფლების უპასუხისმგებლო გადაწყვეტილებებმა, კერძოდ კი გაზრდილი განაშენიანების ინტენსივობის კოეფიციენტის (კ-2 კოეფიციენტი) საფუძველზე გაცემულმა მშენებლობის ნებართვებმა, გამოიწვია თბილისის მუნიციპალიტეტში ქაოტური განაშენიანება. დღეს დავდექით იმ რეალობის წინაშე, სადაც ერთი და იმავე ტერიტორიაზე, უფრო კონკრეტულად, კი ერთი და იმავე ფუნქციურ ზონაში, ზოგიერთ მიწის ნაკვეთზე კ-2 კოეფიციენტის გაზრდის გამო, შენდება სხვადასხვა სიდიდის შენობები, რაც დედაქალაქის ქაოტურ განაშენიანებას იწვევს.

 ამდენად, ეს გადაწყვეტილება უდავოდ დროულია, ვინაიდან იგი სწორ და ერთგვაროვან განაშენიანებას შეუწყობს ხელს.“, - აღნიშნა მდინარაძემ.

 

 

(NS)

---

ავტორი: ,

---

დღის თემა

მთავარი თემა

ინტერვიუ - ექსკლუზივი