ევროკომისია - საქართველოში კვლავ ფიქსირდება ლგბტ პირთა დისკრიმინაციის შემთხვევები

2019-01-31 20:10:45, 1206 ნახვა

საზოგადოება

საქართველოში ლგბტ პირთა დისკრიმინაციის შემთხვევები კვლავ ფიქსირდება, - ამის შესახებ ასოცირების პროცესის განხორციელებასთან დაკავშირებით, ევროკომისიის მესამე ანგარიშშია აღნიშნული.

ანგარიშის თანახმად, დისკრიმინაციის შემთხვევები ძირითადად შრომის, ჯანდაცვის, სოციალურ და ეკონომიკურ სფეროებში აღინიშნებოდა.

„2015 წელს დისკრიმინაციის ყველა ფორმის აღმოფხვრის შესახებ კანონში სახალხო დამცველის მიერ შეთავაზებული ცვლილებების შეტანა, რომელიც მიზნად ისახავდა კანონის საფუძველზე აღსრულების მექანიზმის ეფექტიანობის გაზრდას, აქამდე დაუსრულებელია. დაფიქსირებულია ლგბტ (ლესბოსელ, ჰომოსექსუალ, ბისექსუალ, ტრანსგენდერ და ინეტერსექს) პირთა შრომის, ჯანდაცვის, სოციალურ და ეკონომიკურ სფეროებში დისკრიმინაციის შემთხვევები. ჰომოფობიის წინააღმდეგ ბრძოლის საერთაშორისო დღისადმი მიძღვნილ დემონსტრაციას პოლიცია ინტენსიურად იცავდა, ასევე იმავე დროს გამართული ულტრამემარჯვენე ნაციონალისტების ჯგუფის დემონსტრაციის გათვალისწინებით“, - ნათქვამია ანგარიშში.

საქართველოს მიერ ასოცირების პროცესის განხორციელების შესახებ მე-3 ანგარიში ანგარიშის სრული ტექსტი იხილეთ აქ

Patreon P მხარი დაუჭირე "ექსპრესნიუსს" →

ავტორი: ,

სოციალური ქსელები