„ქართველმა სამართალდამცველებმა კაცობრიობაში რწმენა დამიბრუნეს“ - პოლიციამ ტურისტებს მოპარული ველოსიპედები დაუბრუნა

2019-01-25 12:06:41, 1181 ნახვა

საზოგადოება

სამართალდამცველებმა ტურისტებს თბილისში მოპარული ველოსიპედები დაუბრუნეს, - ინფორმაცია "ექსპრესნიუსს" შინაგან საქმეთა სამინისტროში დაუდასტურეს.

როგორც ერთ-ერთმა ტურისტმა Facebook-ის საკუთარ გვერდზე დაწერა, მას ველოსიპედების დაბრუნების იმედი არ ჰქონდა, თუმცა ქართველმა სამართალდამცველებმა მის მოლოდინს გადააჭარბეს.

"სამართალდამცველები დაგვიკავშირდნენ და მისვლა გვთხოვეს. უცებ გავქანდით და ადგილზე მისულებს, ჩვენი ველოსიპედები დაგვხვდა. ისეთივე მდგომარეობაში, ყველა ნივთით, თერმოსიც კი ზედ იყო მიმაგრებული, როგორც ბოლოს ვნახეთ. გაგიჟებული ვარ. გულის სიღრმეში მინდოდა, რომ ჩვენი ველოსიპედები გვეპოვა, თუმცა ამის იმედი არ მქონდა. მეგონა ისინი სამუდამოდ დავკარგეთ. ქართულმა პოლიციამ ყველა ჩემს მოლოდინს გადააჭარბა. ველოსიპედები ერთ-ერთ სოფელში, თბილისიდან 100 კილომეტრში, საქართველო-სომხეთის საზღვართან აღმოაჩინეს. მათ დამიბრუნეს ველოსიპედი და ჩემი რწმენა კაცობრიობაში. როგორც თავად სამართალდამცველებმა გვითხრეს, ეს მათი ღირსების საკითხი იყო. საქართველო მიყვარხარ. ეს სადმე სხვაგან რომ მომხდარიყო, არ მგონია, რომ ასეთი შედეგი დამდგარიყო. სამართალდამცველების მადლობელი ვარ - როკ ვარსკვლავები ხართ!", - წერს ტურისტი ნიკოლი სოციალურ ქსელში.

ტურისტებს ველოსიპედები 19 იავარს მოპარეს.